Rasijanie pryznali zdaču Rabocina — «taktyčna pakinuli nasieleny punkt»
Armija RF «taktyčna pakinuła» siało Rabocina ŭ Zaparožskaj vobłaści. Pra heta ŭ efiry prapahandysta Sałaŭjova paviedamiŭ pryznačany Rasijaj «kiraŭnik» rehijona Jaŭhien Balicki.
«Rasijskaje vojska pakinuła, taktyčna pakinuła hety nasieleny punkt, bo trymacca na hołaj płoskaści, kali niama mahčymaści zusim ukapacca, <…> uvohule nie ŭjaŭlajecca metazhodnym. Tamu rasijskaja armija adyšła na ŭzhorki», — zajaviŭ Balicki.
Pavodle jaho, ukrainskija častki znachodziacca ŭnizie, «i takaja pazicyja nas zadavalniaje».
Balicki dadaŭ, što Rabocina — heta «nasieleny punkt, jaki zastaŭsia tolki na mapie».
Heta pieršaje aficyjnaje paćvierdžańnie straty Rabocina z rasijskaha boku.
Učora Minabarony RF zajaŭlała, što ataki ŭ rajonie Rabocina adbityja.
Pra vyzvaleńnie Rabocina USU aficyjna zajavili 28 žniŭnia.
Čytajcie taksama:
Ukraincy prarvali pieršuju liniju abarony, na jakuju rasijanie vydatkavali 60% času i resursaŭ
Stołtenbierh: Ukraincy ŭžo pieraŭzychodzili čakańni, treba im daviarać
Jak maleńkaja hrupa bajcoŭ zrabiła mahčymym vyzvaleńnie Rabocina. Historyja, vartaja Halivuda
U Minabarony Ukrainy zajavili pra vyzvaleńnie siała Rabocina ŭ Zaparožskaj vobłaści
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary