Śviet77

«Deakupacyja — heta nie abarona». Mask adklučaŭ Starlink nie tolki nad Krymam, ale i padčas kontrnastupu Ukrainy na ŭschodzie

Pra heta raskazaŭ sam miljarder aŭtaru svajoj novaj knižnaj bijahrafii.

Iłan Mask. Fota: Susan Walsh /AP

Iłan Mask śviadoma adklučaŭ hłabalny spadarožnikavy internet Starlink, kab pieraškadžać apieracyjam ukrainskaj armii nie tolki ŭ Krymie, ale i na akupavanym Rasijaj uschodzie Ukrainy. Pra heta ŭ intervju vydańniu The Washington Post 13 vieraśnia raskazaŭ bijohraf miljardera Uołter Ajzieksan, jaki niadaŭna vypuściŭ knihu z apoviedami Maska.

Pavodle Ajzieksana, Iłan Mask ličyć siabie hierojem za toje, što ŭ pačatku vajny pryjšoŭ na dapamohu Ukrainie i daŭ jaje armii dostup da Starlink, bo «biez hetaha ŭkraincy byli b razhromlenyja».

Adnak kali sprava dachodziła nie da pasiŭnaj abarony, a da vyzvalenčych apieracyj na akupavanych Rasijaj terytoryjach, to Mask pačynaŭ niepakoicca z-za ryzyki pačatku jadziernaj vajny i adklučaŭ ukraincam Starlink.

«Mask skazaŭ mnie, što stvaraŭ Starlink nie dla raźviazvańnia jadziernaj vajny, a dla taho, kab ludzi paŭsiul mahli spakojna hladzieć filmy i hrać u videahulni. 

Tamu Mask nie ŭklučaŭ jaho ŭ Krymie i trymaŭ heta ŭ sakrecie. Bolš za toje, jon nie ŭklučaŭ jaho i ŭ niekatorych častkach uschodniaj Ukrainy, kab Starlink nie vykarystoŭvaŭsia ŭ nastupalnych metach. Bo jon byŭ upeŭnieny, što deakupacyja nasielenych punktaŭ — heta nie abarona», — raskazaŭ Uołter Ajzieksan.

Bijohraf tłumačyć hetuju dumku Maska tym, što «pa kantrakcie vykarystańnie Starlink pryznačałasia tolki ŭ abarončych metach».

Ale pry hetym miljarder, pa słovach Ajzieksana, «vyrašyŭ pradać Pientahonu peŭnuju kolkaść abstalavańnia Starlink i poŭny kantrol nad hieazonami jaho pakryćcia, kab prosta syści ad usiaho hetaha».

«Ja dumaju, što Mask usio jašče całkam za Ukrainu i žadaje chutkaha spynieńnia ahniu», — miarkuje Ajzieksan.

Nahadajem, što ŭ novaj knižnaj bijahrafii Iłana Maska było skazana, što jašče ŭ minułym hodzie miljarder naŭmysna adklučaŭ Starlink u rajonie Kryma, bo chacieŭ pieraškodzić ukraincam pravieści apieracyju suprać marskoha fłotu Rasii. Mask abhruntoŭvaŭ svoj učynak ryzykaj jadziernaha adkazu z boku Rasii. 

Kamientary7

  • Kotya
    14.09.2023
    Tak eto połučajetsia čto rośsija okkupirujet tierritorii, a ukraincy dołžny smotrieť, prohłotiť i podariť i ostavšijesia zaŝiŝať? 
  • RukaTvar
    14.09.2023
    karysny idyjot i ahient kramla
  • Dieduška
    15.09.2023
    Žiełaju etomu biezprincipnomu mudaku v itohie prohorieť...
    Innovatorov v mirie chvatajet i bieź nieho.

Ciapier čytajuć

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?1

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?

Usie naviny →
Usie naviny

Biełarus znajšoŭ manietu I stahodździa. Ci možna na joj uzbahacicca?2

Tramp zajaviŭ, što, «napeŭna», nie pojdzie na treci termin2

«Fłahštok» skłaŭ kartu načnych pralotaŭ dronaŭ nad Homielščynaj. Situacyja niezvyčajnaja6

Pamior były prezident Rumynii, jaki adyhraŭ klučavuju rolu pry źviaržeńni Čaŭšesku

Zialenski raskazaŭ, jak vajna paŭpłyvała na jaho zdaroŭje5

Prezidentku Šviejcaryi abvinavačvajuć u naniasieńni krainie miljardnych strataŭ, bo nie ŭmieła razmaŭlać z Trampam7

Viačorka adkazaŭ Kavaleŭskamu, jaki «niečakana raźviarnuŭ svaje pazicyi na 180 hradusaŭ»: Ni ŭ jakim razie samim nie panižać staŭki13

Na eBay pradajuć biełaruskuju manietu za 2750 dalaraŭ

Hiermanija pierad vučeńniami «Zachad-2025» pierakidaje svaje źniščalniki ŭ Polšču

bolš čytanych navin
bolš łajkanych navin

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?1

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?

Hałoŭnaje
Usie naviny →

Zaŭvaha:

 

 

 

 

Zakryć Paviedamić