Sudździa suda Haradockaha rajona Hanna Hurynava aryštavała hramadzianina Rasijskaj Fiederacyi Viktara Miščanku na dvoje sutak za toje, što jon pravioŭ «pikietavańnie» ŭ Haradku biez dazvołu miascovaha rajvykankama, piša «Viciebskaja viasna».
Zhodna z pratakołam ab administracyjnym pravaparušeńni, Viktar chadziŭ pa horadzie ŭ kiepcy z vyjavaj hierba «Pahonia» i pałasoj bieł-čyrvona-biełaha koleru.
Sudu rasijanin rastłumačyŭ, što sapraŭdy heta rabiŭ, ale, maŭlaŭ, nie viedaŭ pra toje, što publičnaja demanstracyja simvoliki, namalavanaj na jaho hałaŭnym ubory ŭ spałučeńni z BČB-stužkaj, jość vykazvańniem svaich hramadska-palityčnych pohladaŭ, to-bok nibyta heta pikiet, jaki pravodzicca niezakonna.
Sudździa Hurynava nie pahadziłasia z arhumientacyjaj Miščanki i na padstavie č. 1 art. 24.23 KaAP pakarała rasijanina aryštam, praŭda, jak na siońnia na zusim maleńki termin — «usiaho» na dvoje sutak. Rečavy dokaz — kiepku z vyjavaj hierba «Pahonia» i bieł-čyrvona-biełaha ściaha — jana pastanaviła pakinuć pry spravie na ŭvieś termin jaje zachoŭvańnia, h. zn. na praciahu troch hadoŭ.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary