«Miech pabitych jabłyk ad nieviadomaha «dobrazyčliŭca». Stała viadoma, čamu nie dachodziać pieradačy da Paliny Šarendy-Panasiuk
Andrej Šarenda, muž palitźniavolenaj Paliny Šarendy-Panasiuk, vykazaŭ mierkavańnie adnosna taho, čamu da jahonaj žonki ŭ Homielskaje SIZA nie dachodziać pieradačy ad svajakoŭ.
«Siońnia Palinu naviedaŭ advakat, jakomu jana raskazała pra apošniuju z voli pieradaču. Heta było 1 vieraśnia. Pieradačy pačynajuć prymać u 8:30, a ŭžo ŭ 9:00 joj u kamieru prynieśli miech jabłyk. Paznačana proźvišča, jakoha jana nie viedaje.
Jabłyki pabityja, niby sabranyja kala darohi. Miech stary, ź dziaruhi, u takim zvyčajna zachoŭvajuć bulbu. I vaha — dakładna 30 kiłahramaŭ. Jakraz stolki, kolki dajecca na miesiac dla pieradač ad svajakoŭ.
Ad tych jabłyk Palina admoviłasia, ich vykinuli ŭ śmietnicu. Ale farmalna ŭ vieraśni na pieradačy jana ŭžo nie moža raźličvać, bo limit vyčarpany», — raskazaŭ Andrej Šarenda «Radyjo Svaboda».
Muž palitźniavolenaj miarkuje, što hety padarunak ad nieviadomaha «dobrazyčliŭca» — admysłovaja apieracyja, kab pazbavić jahonuju žonku praduktovych pieradač, nieabchodnych joj paśla praciahłaj haładoŭki.
«Heta sproba złamać jaje pierad sudom za nibyta złosnaje niepadparadkavańnie administracyi kałonii. Dakładny dzień suda jašče nie pryznačany, musiać pravieści niedzie na pačatku kastryčnika. Ale ŭžo cisnuć, niečaha ad jaje damahajucca», — miarkuje Andrej Šarenda.
Ciapier Palinu Šarendu-Panasiuk trymajuć u Homielskim SIZA. 23 žniŭnia stała viadoma, što jašče ŭ Rečyckim IČU palitźniavolenaja abviaściła haładoŭku, pratestujučy suprać zaviadzieńnia novaj kryminalnaj spravy.
Palinu Šarendu-Panasiuk zatrymali 3 studzienia 2021 hoda i asudzili na dva hady pazbaŭleńnia voli, abvinavaciŭšy va ŭžyvańni hvałtu ŭ dačynieńni da milicyjantaŭ i ich abrazie, a taksama ŭ abrazie Alaksandra Łukašenki. Na volu jana miełasia vyjści letam minułaha hoda.
Ale letaś jaje asudzili pa art. 411 KK da jašče adnaho hoda kałonii i, adpaviedna, z kałonii nie vypuścili. Nie vypuścili na volu i hetym letam.
U krasaviku 2023 hoda suprać žančyny zaviali ŭžo novuju spravu — za «złosnaje niepadparadkavańnie administracyi kałonii». Na voli, za miažoj, zastajecca jaje muž i dvoje dziaciej.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary