MZS Polščy nie budzie razryvać damovu ź vizavym ahienctvam u Biełarusi
Niahledziačy na raniejšyja zajavy, ministerstva nie budzie skasoŭvać usie pahadnieńni ź vizavymi ahienctvami. Havorka idzie pra kampanii, jakija prymajuć pa-za miežami polskija vizavyja zajavy, ź jakimi mielisia być skasavanyja kantrakty ŭ adkaz na vykryty ŭ ŚMI vizavy skandał.
Hetyja arhanizacyi majuć praciahvać svaju dziejnaść u troch krainach, paviedamlaje rmf24.pl.
Kantrakty ź vizavymi ahienctvami zastanucca ŭ Biełarusi, Ukrainie i Turcyi.
Heta tłumačycca tym, što skasavańnie kantraktaŭ źviazana z surjoznymi pieraškodami i, mahčyma, paraličam u vydačy viz u mnohich krainach.
Tak, čynoŭniki śćviardžajuć, što było b niemetazhodna pieraškadžać atrymańniu viz biełaruskimi praciŭnikami Łukašenki. Hetak ža sama niama žadańnia błakavać Ukrainu, jakaja zmahajecca z rasijskaj ahresijaj.
***
U pačatku vieraśnia ŭ Polščy vybuchnuŭ vizavy skandał. Najbujniejšyja miedyja krainy vyjavili siem byłych i dziejnych polskich čynoŭnikaŭ, siarod jakich jość i niadaŭna zvolnieny namieśnik ministra zamiežnych spraŭ Piotr Vaŭžyk.
Pavodle nacyjanalnaj prakuratury i rasśledavańniaŭ polskich miedyja, Vaŭžyk raspracavaŭ i zaćvierdziŭ miechanizm sproščanaha pryciahnieńnia ŭ Polšču pracoŭnych mihrantaŭ z kala 20 krain Blizkaha Uschodu i Azii kolkaściu da 400 tysiač čałaviek praz tajemnyja ŭkazańni polskim konsulstvam i firmam-pasiarednicam nakont chutkaj vydačy viz ludziam u hetych krainach.
Kiraŭnictva Polščy prakamientavała hetaje rasśledavańnie, zajaviŭšy, što «nie ŭsia infarmacyja adpaviadaje rečaisnaści i nieabchodna bolš abjektyŭna aśviatlać padziei».
U toj ža čas polskaja apazicyja na padstavie skandału vystaviła abvinavačańni ŭładam krainy ŭ arhanizacyi nielehalnaj mihracyi praź Biełaruś «dla stvareńnia ŭ vačach hramadzian karciny niebiaśpieki» pierad budučymi vybarami.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary