«Złości niama miežaŭ». Biełarusy ź bijamietryčnymi pašpartami nie mohuć zapisacca na polskija turystyčnyja vizy
Dniami čytač vydańnia «Lusterka» vyrašyŭ zapisacca na padaču dakumientaŭ na polskuju turystyčnuju vizu, ale sistema admoviłasia pracavać ź jahonym bijamietryčnym pašpartam. I heta nie prosta razavaja pamyłka.
Kali mužčyna zajšoŭ na sajt vizavaha centra Polščy, to tam adzin z etapaŭ rehistracyi — vieryfikacyja ŭ Mižbankaŭskaj sistemie identyfikacyi (MSI). A padčas jaje sistema vydała pamyłku: «Vašy źviestki nie aktualnyja. Dla aktualizacyi źviarniciesia ŭ bank».
U banku čałavieku paraili patelefanavać u kantakt-centr MSI, a tam skazali, što «trymalnikam bijamietryčnych dakumientaŭ nielha zapisacca na padaču vizy praz VFS Global». Možna, maŭlaŭ, tolki sa zvyčajnym pašpartam.
Nie dała plonu i sproba daviedacca niešta ŭ vizavym centry Polščy. «Telefanuju, złości niama miežaŭ. Pytajusia, što rabić? Adkaz: «My ničym nie možam Vam dapamahčy».
«Lusterku» ŭ kantakt-centry MSI patłumačyli, što raniej va ŭładalnikaŭ bijamietryčnych pašpartoŭ takich prablem nie zdarałasia. Uźnikli jany «niadaŭna» praz toje, što «źmianilisia nałady aŭtaryzacyi ŭ biletnuju kasu vizavaha centra».
Tamu na hety momant dla ŭładalnikaŭ ID-kart vieryfikacyja ŭ biletnuju kasu vizavaha centra niemahčymaja, ale śpiecyjalisty, maŭlaŭ, pracujuć nad tym, kab razabracca z prablemaj. Adnosna terminaŭ ničoha kankretnaha skazać nie zdoleli.
U VFS Global na pytańnie adnosna mahčymaściaŭ niejkich inšych sposabaŭ vieryfikacyi taksama ničoha pazityŭnaha nie adkazali:
«Nieabchodna čakać i rehistracyju rabić paźniej. Inšych sposabaŭ zapisu pakul niama, tolki praz sajt».
Adnosna kankretnych terminaŭ tut taksama ničoha nie viedajuć, rajać pieryjadyčna zachodzić na sajt i sprabavać paŭtorna prajści rehistracyju.
«List ab tym, što hetaja prablema vyrašajecca, [ź MSI] nam pryjšoŭ u aŭtorak, 12 vieraśnia, — udakładnili ŭ koł-centry vizavaha centra. — Na hety momant na sajcie jość takaja techničnaja niepaładka. Heta z boku MSI <…>.
My atrymali adkaz, što sistema znachodzicca ŭ pracesie vyrašeńnia hetaj situacyi, i ŭ najbližejšyja terminy [niepaładku] abiacajuć likvidavać».
Čytajcie taksama:
Nie ŭsio tak prosta. Kolki budzie kaštavać polskaja turystyčnaja viza i jak chutka možna atrymać
Zakančvajecca biełaruski pašpart. I što ciapier rabić? Parady advakata
-
«Polšča stała nie taja, što raniej». Emihranty, jakija viarnulisia ŭ Biełaruś, patłumačyli čamu i padzialilisia ŭražańniami
-
Stała viadoma, navošta na fasad adnaho z histaryčnych budynkaŭ u Minsku padčas rekanstrukcyi pastavili mietaličnyja kałony
-
«Va Ukrainie nichto nie vieryć, što tam takoje robicca». Ukrainiec, jakoha zatrymali ŭ Biełarusi za dva dni da vajny, raskazaŭ pra pakuty za kratami
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady6
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary