«Mohuć pryjechać». Karpienka prakamientavaŭ adsutnaść vybarčych učastkaŭ za miažoj
«Heta nie ŭščamlaje pravy hramadzian». Tak staršynia CVK Ihar Karpienka prakamientavaŭ rašeńnie ab tym, što na vybarach nie buduć farmavacca vybarčyja ŭčastki za miažoj, pieradaje BIEŁTA.
«U adpaviednaści z novym vybarčym zakanadaŭstvam my nie farmujem vybarčyja ŭčastki za miažoj.
Ale heta nie ŭščamlaje pravy hramadzian, jakija vyjechali pa tych ci inšych pryčynach za miažu — jany mohuć pryjechać u krainu i ŭ pieryjad daterminovaha hałasavańnia z aŭtorka pa subotu abo ŭ adziny dzień hałasavańnia, 25 lutaha 2024 hoda, vykanać svoj hramadzianski abaviazak — pryjści na ŭčastki i prahałasavać», — skazaŭ Ihar Karpienka.
U 2022 hodzie Karpienka tłumačyŭ toje, što Biełaruś bolš nie budzie arhanizoŭvać učastki dla hałasavańnia za miažoj, karanavirusam i skaračeńniem dyppradstaŭnictvaŭ za miažoj. Heta rašeńnie zamacavana ŭ Vybarčym kodeksie.
Paśla 2020 hoda ź Biełarusi zjechali sotni tysiač čałaviek.
Siońnia CVK utvaryŭ akruhi pa vybarach deputataŭ Pałaty pradstaŭnikoŭ Nacyjanalnaha schodu Respubliki Biełaruś vośmaha sklikańnia. Stvorana 110 vybarčych akruh — pa kolkaści deputataŭ.
Kamientary