Praciah abłavy ŭ Vaŭkavysku: pakazali jašče šaściarych zatrymanych
Ahułam viadoma pra 15 zatrymanych padčas apošniaj abłavy ŭ horadzie, ale, imavierna, ich bolej.
Zatrymańni ŭ Vaŭkavysku adbyvalisia ciaham cełaha tydnia, z 25 vieraśnia da 1 kastryčnika. Siłaviki apublikavali try videa z aryštavanymi žycharami.
U apošnim ź ich, jakoje apublikavali siońnia, pakazali šeść čałaviek. Viadomyja imiony dvaich zatrymanych — heta 37-hadovy Viktar Kručkoŭski i 44-hadovy Valeryj Hryhorčyk.
Dvaich z zatrymanych, siarod jakich Viktar, vinavaciać u tym, što ŭ 2020-m jany vychodzili na pratesty i «raspaŭsiudzili ekstremisckija materyjały». Astatnich mužčyn vinavaciać tolki ŭ «raspaŭsiudzie ekstremizmu».
Pravaabaroncy źviazvajuć aktyŭnaść siłavikoŭ u Vaŭkavysku ź incydentam, jaki adbyŭsia dniami ŭ horadzie. Pa infarmacyi «Viasny», na adnym z vyklikaŭ (bytavaja situacyja, nie źviazanaja z palityčnym pieraśledam) byŭ źbity supracoŭnik milicyi. Paśla hetaha ŭ horad adpravili siłavikoŭ ź Minska i Hrodna, jakija i pačali «začystku».
Imavierna, lik zatrymanych idzie na dziasiatki — pakazali tolki piatnaccać zatrymanych, ale jość padstavy mierkavać, što ich bolej. Zvyčajna HUBAZiK pakazvaje tolki častku ludziej. Minułuju partyju zatrymanych pakazvali 28 vieraśnia.
«Naša Niva» — bastyjon biełaruščyny
PADTRYMAĆCiapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary