U kramy pastupili cukierki, da stvareńnia jakich spryčyniŭsia Mikałaj Łukašenka
U firmovych kramach «Kamunarki» źjavilisia ŭ prodažy cukierki z suchoha małaka, paviedamlaje Biełdziaržcharčpram.
Nieŭzabavie płanujecca pačać pastaŭku cukierak Kambinatam školnaha charčavańnia ź pierśpiektyvaj zapusku praduktu ŭ masavuju vytvorčaść.
Ideju stvareńnia cukierak padkinuŭ Mikałaj Łukašenka, paśla čaho jaho baćka źviarnuŭ uvahu na papularny ŭ Kitai pradukt — cukierki z presavanaha suchoha małaka. Pakolki takoj syraviny ŭ Biełarusi dastatkova,to Łukašenka-starejšy prapanavaŭ arhanizavać takuju vytvorčaść i ŭ Biełarusi.
Fabryka ŭziałasia za prajekt i vypuskaje ich pad handlovaj markaj «Dziciačyja historyi».
Draže vyrablajecca na płoščach fabryki «Čyrvony charčavik» i zroblena sumiesna z navukova-praktyčnym centram pa charčavańni. Cukierka składajecca z zbožžavych šakaładnych šarykaŭ, pakrytych biełym šakaładam i suchim małakom, maje vodar banana.
Pradukt fasujecca ŭ pakiety pa 50 hram, kaštujuć jany adzin rubiel 48 kapiejek, ale kali kuplać kiłahramami, to 26 rubloŭ 88 kapiejek.
Mikałaj Łukašenka nakormić školnikaŭ / Pierajemnik Makieja abiacaje, što ŭsio budzie dobra. Hladzicie VIDEAnaviny za 27 vieraśnia
Cukierki ad Mikałaja Łukašenki pa kitajskim recepcie buduć pastaŭlać u škoły: «U adnym pakunačku — šklanka małaka»
Kola Łukašenka pryvioz baćku z Kitaja niezvyčajnyja cukierki. Biełaruskija vytvorcy zdoleli ich paŭtaryć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ50
Kamientary