«Ja zaŭsiody byŭ suprać». Andrej Makarevič dałučyŭsia da kampanii «Pravaabaroncy suprać śmiarotnaha pakarańnia ŭ Biełarusi»
Siońnia ŭ śviecie adznačajecca Mižnarodny dzień baraćby suprać śmiarotnaha pakarańnia.
Biełaruś pa-raniejšamu zastajecca adzinaj krainaj u Jeŭropie, dzie prymianiajecca taki vid pakarańnia, tamu pravaabaroncy praciahvajuć kampaniju «Pravaabaroncy suprać śmiarotnaha pakarańnia ŭ Biełarusi».
Da jaje dałučajecca ŭsio bolš ludziej, u tym liku viadomych dziejačaŭ z roznych krain. Hetym razam kampaniju padtrymaŭ viadomy muzyka, hramadski dziejač i lidar hurta «Mašyna vriemieni» Andrej Makarevič.
Fota: «Viasna»
«Ja ŭvohule liču, što čałaviek nie maje prava pazbaŭlać inšaha čałavieka žyćcia. Heta nie jaho pryvilej. Jany šmat na siabie biaruć. Tamu ja zaŭsiody byŭ suprać [śmiarotnaha pakarańnia], i suprać zastajusia», — vykazaŭsia Makarevič.
Andrej Makarevič rehularna padtrymlivaje demakratyčnuju supolnaść Biełarusi, palitviaźniaŭ, vykazvaje salidarnaść z pratestami.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary