Biełaruś i Rasija dumajuć stvaryć sumiesnuju kamisiju pa historyi, kab «nie manić moładzi»
A namieśnik kiraŭnika Administracyi Łukašenki Ihar Łucki kaža, što «raniej da historyi nie było takoha ŭvažlivaha staŭleńnia, jak ciapier».
Biełaruś i Rasija prapracoŭvajuć pytańnie ab stvareńni sumiesnaj kamisii pa historyi, paviedamiŭ žurnalistam namieśnik staršyni Rasijskaha vajenna-histaryčnaha tavarystva Mikałaj Aŭsijenka na forumie «Historyja dla budučyni. Rasija i Biełaruś», piša «Sputnik».
«…Dla taho, kab my mahli całkam dokazna z faktami ŭ rukach i z dakumientami skłaści ahulnyja padychody da našaj ahulnaj historyi», — adznačyŭ pradstaŭnik RVIA.
Aŭsijenka padkreśliŭ, što pra heta treba raspaviadać sumlenna: «Moładzi nielha chłusić. Voś heta samaje hałoŭnaje».
Jon nahadaŭ, što niadaŭna rasijskija i biełaruskija navukoŭcy stvaryli sumiesnuju ekśpiertnuju radu.
U svaju čarhu namieśnik kiraŭnika Administracyi Ihar Łucki zajaviŭ, što biełaruski bok padtrymlivaje ideju ahulnaj kamisii. Ź jahonych słoŭ, užo ciapier navukoŭcy dźviuch krain i prezidenckija administracyi ščylna pracujuć u hetym kirunku.
Jon adznačyŭ, što «raniej da historyi nie było takoha ŭvažlivaha staŭleńnia, ale ciapier treba bolš uvažliva stavicca da taho, jak interpretujuć histaryčnyja padziei tyja ci inšyja ŚMI i niekatoryja vydavieckija prajekty».
Ciapier čytajuć
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj2
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary