U tokieny biełaruskich kampanij układvajuć hrošy bolš za 13,5 tysiačy inviestaraŭ. Takija danyja vyciakajuć sa statystyki Finstore.by. Voś dzie žyvuć inviestary i kolki ź ich biełarusaŭ.
Kampanija «Finstor» źjaviłasia ŭ 2019 hodzie. Heta placoŭka prapanuje inviestaram układvać hrošy pieravažna ŭ raźvićcio bujnych ajčynnych pradpryjemstvaŭ i biznesaŭ, siarod jakich BiełAZ, MAZ, Biełaruskaja čyhunka, takija brendy jak KFC, ASB Lizinh i mnohija inšyja. Akramia biełaruskich kampanij, na placoŭcy pieryjadyčna źjaŭlajucca tokieny i zamiežnych, u pryvatnaści, z Rasii i Kazachstana.
Pry hetym kali pahladzieć na strukturu partfiela inviestaraŭ, to ŭ pieravažnaj bolšaści vypadkaŭ heta biełarusy — 92,4%. Dola rehistracyj na płatformie, dzie ŭ ankiecie pakazvajecca inšaja kraina pražyvańnia, składaje 7,6%.
Čaściej za ŭsio biełaruski inviestar žyvie ŭ Minsku abo staličnaj vobłaści. Na 2 i 3 miescy — paŭdniovyja rehijony: Homielskaja i Bresckaja vobłaści adpaviedna. Za imi na 4-m radku raźmiaściłasia Viciebskaja vobłaść, a zamykajuć rejtynh Mahiloŭski i Hrodzienski rehijony adpaviedna.
Cikava, što davoli šmat biełaruskich inviestaraŭ žyvie ŭ nievialikich haradach. Rejtynh haradoŭ abłasnoha padparadkavańnia pa kolkaści pakupnikoŭ tokienaŭ vyhladaje nastupnym čynam.
Pieršaja trojka rejtynhu składajecca z žycharoŭ Barysava, Babrujska i Pinska. Za imi na 4-m i 5-m radkach raźmiaścilisia inviestary, prapisanyja ŭ Baranavičach i Rečycy. 6-ty radok dzielać pamiž saboj Kobryn i Mazyr. Za imi iduć Orša, Maładziečna i Salihorsk. Zamykajuć top-10 Lida i Žłobin.
Što tyčycca žycharoŭ inšych dziaržaŭ, to z 2019 hoda na płatformie inviestavali z Dubaja, Katara, Sinhapura i inšych krain. Uznačalvajuć ža rejtynh zamiežnych inviestaraŭ hramadzianie Rasii i Kazachstana.
-
«Usie prymiežnyja parkoŭki zabityja furami ź litoŭskimi numarami». Łukašenka ŭvioŭ dadatkovyja abmiežavańni dla litoŭskich pieravozčykaŭ
-
U Biełarusi voźmucca za bankaŭskija kamisii. Abiacajuć, što niekatoryja ź ich źniknuć
-
Inflacyja nie bolš za 7%: zaćvierdžanyja asnoŭnyja ekanamičnyja pakazčyki na nastupny hod
Ciapier čytajuć
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno16
Kamientary