Krymski most całkam adnavili paśla ŭdaraŭ Ukrainy — vice-premjer RF
Ruch aŭtamabilaŭ adkryty pa ŭsich čatyroch pałosach.
Budaŭniki całkam adnavili Krymski most, jaki złučaje Krasnadarski kraj i anieksavany Krym. Pra heta paviedamiŭ vice-premjer urada RF Marat Chusnulin, paviedamlaje «Mieduza».
«Usia praca doŭžyłasia mienš jak try miesiacy! Za hety čas demantavali dva paškodžanyja praloty i nasunuli novyja», — napisaŭ u telehramie Chusnulin.
Pavodle jaho słoŭ, raboty pa adnaŭleńni mosta zaviaršyli na 18 dzion raniej za vyznačany termin. Ruch aŭtamabilaŭ adkryty pa ŭsich čatyroch pałosach.
Z pačatku poŭnamaštabnaha ŭvarvańnia vojskaŭ RF va Ukrainu na Krymskim moście adbylisia dva vybuchi — 8 kastryčnika 2022 hoda i 17 lipienia 2023-ha. Vybuchi zładziła Słužba biaśpieki Ukrainy.
Z-za pieršaha vybuchu zahinuli čatyry čałavieki, a adna z aŭtamabilnych častak mosta častkova abrynułasia. Nieŭzabavie FSB dała spravazdaču ab zatrymańni vaśmi z 12 padazravanych pa hetaj spravie.
U vyniku druhoha vybuchu na moście zahinuła siamiejnaja para, jakaja była ŭ adnym z aŭtamabilaŭ, a ich 14-hadovaja dačka atrymała traŭmy. Taksama paškodžańni atrymała aŭtamabilnaja častka mosta.
Kamientary