Pavodle słoŭ Chasana Jusefa, uvarvańnie bajevikoŭ CHAMAS na terytoryju Izraila 7 kastryčnika stała dla jaho siurpryzam.
Padčas rejdaŭ na Zachodnim bierazie izrailskija śpiecsłužby aryštavali bolš za 60 siabroŭ ruchu CHAMAS, uklučajučy adnaho ź jaho zasnavalnikaŭ Chasana Jusefa, paviedamlaje telekanał «Dožd́».
Pavodle danych Słužby biaśpieki Izraila «Šyn-Bet» (ŠABAK), Jusef byŭ aryštavany «praz padazreńnie ŭ dziejańniach ad imia CHAMAS». Pra aryšt vysokapastaŭlenaha bajevika CHAMAS u horadzie Ramała taksama paviedamiła ŭ čaćvier izrailskaje vydańnie Yediot Ahronot sa spasyłkaj na vajskoŭcaŭ.
Šejch Chasan Jusef — adzin ź lidaraŭ CHAMAS i jaho suzasnavalnikaŭ, a taksama siabar parłamienta Paleścinskaj aŭtanomii. Raniej ułady Izraila nieadnarazova aryštoŭvali Jusefa, ale kožny raz adpuskali.
U źniavoleńni jon pravioŭ bolš za 23 hady. Apošni raz Jusef byŭ aryštavany ŭ kastryčniku 2020 hoda, a ŭ lipieni 2023 hoda jaho znoŭ vyzvalili.
Jusef žyvie ŭ Ramale na Zachodnim bierazie i dosyć rehularna razmaŭlaje z suśvietnaj presaj. Raniej na hetym tydni jon zajaviŭ u intervju kanadskamu vydańniu The Globe and Mail, što CHAMAS moh by adpuścić zachoplenych u pieršy dzień ataki zakładnikaŭ u abmien na 24-hadzinnaje spynieńnie ahniu z boku Izraila.
«U nas jość zakładniki, jakija źjaŭlajucca našymi haściami, i ŭ nas niama prablem ź imi. Kali abstaviny dazvolać, my ich adpuścim», —skazaŭ Jusef.
Pavodle jaho słoŭ, uvarvańnie bajevikoŭ CHAMAS na terytoryju Izraila 7 kastryčnika stała dla jaho siurpryzam, a paśla hetaha ni z kim z bryhad «Al-Kasam» (vajenizavanaje kryło CHAMAS) jon nie kantaktavaŭ.
Ciapier čytajuć
Łukašenka sustreŭsia sa śpiecpasłańnikam Trampa Kitam Kiełaham9
Kamientary