«Heta dziŭnyja idei». Nobieleŭski łaŭreat Murataŭ admoviŭsia iści na prezidenckija vybary ŭ Rasii
Łaŭreat Nobieleŭskaj premii miru i były hałoŭny redaktar «Novoj haziety» Dźmitryj Murataŭ nie płanuje ŭdzielničać u budučych prezidenckich vybarach u jakaści adzinaha kandydata ad apazicyi. «Heta dziŭnyja idei, jakija nie majuć pad saboj ani najmienšaj asnovy. Nie zacikaŭleny», — skazaŭ jon The Moscow Times.
Vykazvacca na hetu temu Murataŭ byŭ vymušany tamu, što akazaŭsia adnym ź lidaraŭ piersanalnaha apytańnia adnosna vybaraŭ, jaki dniami zapuściŭ Alaksiej Navalny. Meta apytańnia, pa słovach Navalnaha, — vypracoŭka stratehii na prezidenckich vybarach, jakuju palityk paabiacaŭ pakazać u studzieni 2024 hoda.
Prajści apytańnie Navalny prapanavaŭ usim achvotnym, asobna zaprasiŭšy 58 rasijskich palitykaŭ, błohieraŭ i lidaraŭ mierkavańniaŭ.
Pavodle infarmacyi kamandy Navalnaha, za try dni ŭ apytańni ŭziali ŭdzieł 45 000 čałaviek. Klučavoje pytańnie ŭ ankiecie Navalnaha: «Ci moža być adzinym kandydatam apazicyi Ziuhanaŭ, Słucki, Niačajeŭ, Sabčak, Vieniedyktaŭ, Jaŭlinski, Murataŭ, Rojzman?»
Sam Navalny ŭ svaich adkazach pahadziŭsia padtrymać u jakaści kandydataŭ u prezidenty Muratava i byłoha mera Jekaciarynburha Jaŭhiena Rojzmana.
Murataŭ i Rojzman — tak; Vieniedyktaŭ, Ziuhanaŭ, Sabčak, Jaŭlinski — nie. Navalny adkazaŭ na pytańnie pra adzinaha kandydata ad apazicyi
Adnaho z advakataŭ Navalnaha aryštavali. Jaho abvinavacili va ŭdziele ŭ ekstremisckaj supolnaści
Navalny, Jašyn i Kara-Murza zaklikali admovicca ad ježy 30 kastryčnika ŭ padtrymku rasijskich palitviaźniaŭ
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary