Na aŭkcyjonie pradali biełaruskuju dvuchrublovuju manietu za 225 rubloŭ
U Biełarusi na internet-aŭkcyjonie ay.by z małatka syšła redkaja dvuchrublovaja manieta. Pieršapačatkova jaje vystavili za 57,5 rubloŭ, ale potym staŭki vyraśli da 225, piša Blizko.by.
Niezvyčajnaść łota — u jaho redkaj chibie. Heta manieta z padvojenaj vysiečkaj.
Tak zdarajecca, kali padčas štampoŭki pry vysiečcy ŭnutranaha kolca puanson (adna z asnoŭnych detalaŭ instrumienta, jaki vykarystoŭvajecca pry markiroŭcy, štampoŭcy i presavańni materyjałaŭ, naprykład presavańni mietałaŭ u mietałaapracoŭcy) nanosić pa zahatoŭcy bolš za adzin udar. Heta značyć, pieršy ŭdar prabivaje kolca, a druhi jaho pašyraje.
U vyniku atrymlivajecca zazor pamiž kolcam i ŭstaŭkaj, jakija nie sychodziacca. Pry hetym manieta zastajecca srodkam apłaty i vam spakojna mohuć dać jaje na reštu. Viadoma, takoje zdarajecca vielmi redka, tamu numizmaty i ceniać takija maniety.
Ciapier čytajuć
Babaryka: Kali b my pieramahli — vajny va Ukrainie nie było b23
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»77
Kamientary
Brava!