На аўкцыёне прадалі беларускую двухрублёвую манету за 225 рублёў
У Беларусі на інтэрнэт-аўкцыёне ay.by з малатка сышла рэдкая двухрублёвая манета. Першапачаткова яе выставілі за 57,5 рублёў, але потым стаўкі выраслі да 225, піша Blizko.by.
Незвычайнасць лота — у яго рэдкай хібе. Гэта манета з падвоенай высечкай.
Так здараецца, калі падчас штампоўкі пры высечцы ўнутранага кольца пуансон (адна з асноўных дэталяў інструмента, які выкарыстоўваецца пры маркіроўцы, штампоўцы і прэсаванні матэрыялаў, напрыклад прэсаванні металаў у металаапрацоўцы) наносіць па загатоўцы больш за адзін удар. Гэта значыць, першы ўдар прабівае кольца, а другі яго пашырае.
У выніку атрымліваецца зазор паміж кольцам і ўстаўкай, якія не сыходзяцца. Пры гэтым манета застаецца сродкам аплаты і вам спакойна могуць даць яе на рэшту. Вядома, такое здараецца вельмі рэдка, таму нумізматы і цэняць такія манеты.
Цяпер чытаюць
«У такую ж галечу, ды яшчэ і халодную, пакістанцы не паедуць». Беларус пяць тыдняў правёў у Пакістане — вось што яго ўразіла3
Каментары
Брава!