«Čyj Krym, kažy. Słabo?» Bondarava najechała na homielskaha pravakatara
Časam achviaraj aktyŭnaści prarasijskaj aktyvistki Volhi Bondaravaj stanoviacca zusim niečakanyja ludzi. Homielski pravakatar Jaŭhien Katlaroŭ (jon ža Jaŭhien Kakojta, jon ža Mikita Kancavy) vykłaŭ zapis svajoj razmovy z Bondaravaj.
Da hetaha zvanka (na zapis źviarnuŭ uvahu «Fłahštok») Katlaroŭ zvaniŭ infakazačcy ad imia vydumanaha pracadaŭcy, kab razyhrać. Niby jon znajšoŭ jaje abjavu, što jana moža pafarbavać płot i vykapać bulbu.
Bondarava na nastupny dzień z samaha ranku vyrašyła jamu pierazvanić. Katlaroŭ pierajšoŭ na biełaruskuju movu, čym vyklikaŭ padazreńni ŭ aktyvistki — taja choć i vučycca ŭ BDPU na śpiecyjalnaści «biełaruskaja mova i litaratura», ale ŭsio adno pabłytała jaje z ukrainskaj.
«A vy z Chachlandyi? Čyj Krym?» — pačała dapytvać Katlarova.
«Vam što, biełaruskaja mova nie padabajecca?» — praciahvaŭ toj.
«Davaj, čyj Krym, udakładniaj!»
Paśla nazvała pravakatara «chachłom» i ŭsio nastojvała dać adkaz pra Krym.
«Davaj, davaj, kažy. Słabo?»
«Davaj, kažy, cuda!»
Tamu, što ŭ pravakatara biełaruski numar telefona, jana znajšła svajo tłumačeńnie: «Ty pryjechaŭ u Biełaruś, kupiŭ biełaruski numar i ciapier sprabuješ mnie niešta raskazać».
Katlaroŭ u kancy razmovy nazvaŭ Bondaravu «babošaj» i paabiacaŭ vykłaści hetu razmovu ŭ sieciva. Što i zrabiŭ.
Kamientary