«Ja pakusaŭ jaho sam». Aŭstralijski fiermier, na jakoha napaŭ krakadził, złamaŭ sistemu
Fiermier z Aŭstralii Kolin Deviera byŭ zaciahnuty krakadziłam pad vadu, ale zdoleŭ vybracca i vyžyć, pakusaŭšy žyviołu ŭ adkaz. Padrabiaznaści dziŭnaha zdareńnia pryvodzić Bi-bi-si.
Pavodle słoŭ Kolina Deviera, jakija pryvodzić Bi-bi-si, incydent z krakadziłam zdaryŭsia miesiac tamu kala voziera Finis, što na poŭnačy Aŭstralii, kudy fiermier pryjechaŭ ramantavać aharodžu.
Idučy kala voziera, Kolin zahladzieŭsia na ryb, jakija płyli voddal, i jaho za nahu capnuŭ trochmietrovy krakadził.
Fiermier staŭ bić krakadziła druhoj nahoj, ale marna: žyvioła paciahnuła mužčynu pad vadu.
«Ja toŭk krakadziła, ale toj paciahnuŭ mianie ŭ vadu. Ja byŭ u žachu i niejak ukusiŭ jaho za voka. I reptylija mianie vypuściła!» — raskazaŭ Kolin Deviera.
Mužčyna zdoleŭ dabracca da mašyny i pieraviazać sabie nahu.
Potym brat Kolina advioz jaho ŭ špital, jaki znachodzicca za 130 kiłamietraŭ ad miesca zdareńnia. Fiermier pravioŭ miesiac na balničnym łožku.
«Kali b krakadził schapiŭ mianie za inšaje miesca, to ŭsio mahło być našmat horš. Hety vypadak prymusiŭ mianie padumać ab źmienie rodu dziejnaści, kab bolš nie ramantavać aharodžy ŭ niebiaśpiečnych bahnistych miescach», — adznačyŭ Kolin.
Nahadajem, što heta nie pieršy vypadak niezvyčajnaj pieramohi čałavieka nad krakadziłam u Aŭstralii. U 2021 hodzie 60-hadovaha aŭstralijca taksama zaciahnuła pad vadu reptylija, ale mužčyna vychapiŭ kišenny ścizoryk i ŭsadziŭ jaho ŭ hałavu žyviole. Tak jon vyratavaŭ sabie žyćcio.
U Fiładelfii mužčyna sprabavaŭ trapić na biejsbolny matč razam sa svaim alihataram
Mer mieksikanskaha horada abraŭ sabie vielmi niezvyčajnuju žonku. Viasielle prajšło bieź incydentaŭ
«Marski krakadził», znojdzieny na ŭźbiarežžy Brytanii, — samy staražytny pradstaŭnik vidu. Jon isnavaŭ 185 młn hadoŭ tamu
Ciapier čytajuć
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary