Z bresckim «Dynama» zhulała kamanda rasijskich komikaŭ, jakija vystupali ŭ «DNR». Hledačoŭ sabrałasia niamała
U tavaryskim matčy 11 listapada futbolny kłub vyšejšaj lihi «Dynama-Brest» akazaŭsia macniejšym za rasijski kłub amatarskaj miedyjalihi «10». Matč skončyŭsia ź likam 3:1, a pahladzieć jaho pryjšło niamała narodu — centralnaja trybuna była poŭnaja.
Stvaralniki kamandy «10» rasijskaj amatarskaj miedyjalihi, — komiki z TNT Azamat Musahalijeŭ i Dzianis Dorachaŭ.
U vieraśni hetaha hoda komiki vystupali z kancertam u «DNR». Dorachaŭ paśla raskazaŭ žurnalistam, što pahutaryŭ z rasijskimi sałdatami, što vajujuć va Ukrainie, i tyja padalisia jamu «dušeŭnymi ludźmi». Paśla hetaha kancerta Musahalijeŭ trapiŭ va ŭkrainskuju bazu «Miratvorac». Dorachaŭ u joj z 2019-ha paśla naviedvańnia aneksavanaha Kryma.
Siarod tych, chto pryjechaŭ u składzie kamandy ŭ Brest, byłyja hulcy biełaruskich kamand: Jaŭhien Pamazan (bramnik minskaha «Dynama» ŭ 2020-2021 hadach) i Piotr Ten (hulaŭ u «Minsku» ŭ 2020-m), kazachstanski hulec Maksim Hrek (vystupaŭ za «Biełšynu» ŭ 2020-m).
«Atmaśfiera na stadyjonie: tušycie hety pažar. Dziakuj za pryjom, Brest. Na maim futbolnym šlachu — heta pieršy matč z takoj kolkaściu zaŭziataraŭ», — napisaŭ futbalist Ivan Husieŭ.
Paśla hulni dyrektar «Dynama-Brest» Alaksandr Nieŭdach uručyŭ Musahalijevu padarunak ad kłuba, u tym liku imiannuju majku ŭ honar matča.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary