«Voś heta samaja hałoŭnaja praŭda». Aleh Hajdukievič akazaŭsia «palityčnym cnatliŭcam»
Vydańnie «Lusterka» zapytałasia ŭ lidara praŭładnaj Libieralna-demakratyčnaj partyi i deputata Pałaty pradstaŭnikoŭ Aleha Hajdukieviča, ci dała jaki-niebudź plon pravierka milicyjaj fakta raźmiaščeńnia ŭ jahonym telehram-kanale intymnaha fota, jakoje moža rasceńvacca jak raspaŭsiud parnahrafii.
U pačatku vieraśnia ŭ telehram-kanale Hajdukieviča źjaviłasia fota erehavanaha mužčynskaha čelesa. Tady deputat, kamientujučy incydent, zajaŭlaŭ, što jaho resurs uzłamali «niadobrazyčliŭcy», i paabiacaŭ źviarnucca ŭ milicyju. Ciapier ža «Lusterka» pacikaviłasia, ci sapraŭdy jon źviarnuŭsia, ci viadziecca jakaja pravierka i na jakoj stadyi rasśledavańnie.
Hajdukievič adkazaŭ žurnalistcy «Lusterka» «jak fizičnaj asobie» hałasavym paviedamleńniem, jakoje, adnak, ničoha kankretnaha nie ŭtrymlivaje.
«Voś pra pisiuny mnie havaryć niecikava. Kali treba budzie, kali paličym patrebnym, usio skažam. Kali heta budzie darečy i kali budzie treba heta kazać».
A praź niekalki siekund jon dasłaŭ i druhoje hałasavoje paviedamleńnie, u jakim adkazaŭ na pytańnie adkaznaści pierad zakonam za mierkavany raspaŭsiud parnahrafii.
«I nikoli ja ničoha nie parušaŭ. Ja — jak palityčny cnatliviec: nivodnaha parušeńnia zakanadaŭstva za svajo žyćcio nie dapuściŭ. Voś heta samaja hałoŭnaja praŭda».
Fota ž mužčynskaha čelesa nibyta na terytoryi Biełarusi praz kanał Hajdukieviča i nie źjaŭlałasia.
«Usio źjaviłasia pa-za miežami krainy, u ekstremisckich infarmacyjnych ahienctvach. Voś i rabicie vy vysnovy. A ŭsio astatniaje — kali paličym patrebnym».
Čytajcie taksama:
«Heta tabie zamiest kvietak». Psichołah patłumačyŭ, čamu mužčyny robiać dykpiki
Jurysty raskazali, jakija pravavyja nastupstvy mohuć być u dykpika ŭ telehram-kanale Hajdukieviča
«Kali ŭbačyła toj samy …» Internet horača acaniŭ dykpik z kanała Hajdukieviča
U kanale Aleha Hajdukieviča apublikavali dykpik. Padobna, z deputackaj rukoj
-
Cichanoŭskaja: Jak Siarhieja pryvieźli ŭ Vilniu, my adrazu pajechali ŭ kramu kuplać majki, džynsy. I jamu padabajecca, što jon taki strojny
-
U 18-m pakiecie sankcyj — čatyry biełaruskija kampanii i zavod «Lehmaš», praduhledžvajucca zachady suprać biełaruskich bankaŭ
-
Siamja ź Biełarusi na svajoj mašynie prajechała kala 10 tysiač kiłamietraŭ dziela Ehiejskaha mora
Kamientary