«Vystupleńnie komika nie skončyłasia raniej». Češskaja palicyja raskazała, što adbyłosia z kancertam Słavy Kamisaranki ŭ Brnie
Biełaruski komik Słava Kamisaranka vystupiŭ 17 listapada ŭ češskim horadzie Brno, ale paśla taho ŭ muzyčny kłub Sono prybyła palicyja. «Radyjo Svaboda» daviedałasia, u čym była pryčyna.
Jak paviedamlajuć miascovyja ŚMI, pryčynaj stała paviedamleńnie ab vybuchoŭcy. U vyniku palicyja nie znajšła vybuchnoj pryłady, ale da nastupnaha vystupu komika byli pryniatyja miery biaśpieki.
Češskija ŚMI, sa spasyłkaj na palicyju, źniapraŭdžvajuć infarmacyju ab nibyta zaŭčasnym spynieńni kancerta. Raniej paviedamlałasia, što vystupleńnie skončyłasia zaŭčasna, a haściej evakuiravali z budynka, daŭšy komiku 2 chviliny dla zakančeńnia kancerta. Adnak palicyja Čechii heta admaŭlaje. Pavodle ich infarmacyi, vystupleńnie Kamisaranki zaviaršyłasia ŭ pryznačany čas.
«Vystupleńnie komika nie skončyłasia raniej. Jano skončyłasia svoječasova zhodna z raskładam muzyčnaha kłuba Sono, dzie jano prachodziła», — adkazała pradstaŭnica palicyi na pytańnie partała iDNES.cz.
Pavodle jaje słoŭ, pierad kancertam, jaki adbyŭsia na nastupny dzień, 18 listapada, u Karłavych Varach, byli pryniatyja dadatkovyja miery biaśpieki.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Kamientary