Zbornaja Partuhalii skončyła adboračny turnir sa stopracentnym vynikam i fantastyčnaj roźnicaj miačoŭ
Futbolnaja zbornaja Partuhalii pieramahła va ŭsich 10 matčach.
Učora partuhalcy pieramahli ŭ Lisabonie Isłandyju ź likam 2:0 i finišavali na pieršym miescy z 30 bałami, na vosiem bałaŭ adarvaŭšysia ad Słavakii.
Roźnica zabitych i prapuščanych miačoŭ 36:2. Pryčym Luksiemburh jany razhramili ź likam 9:0 i 6:0, Bośniju 5:0 i 3:0.
A trecim niečakana ŭ hrupie z Partuhalijaj finišavaŭ Luksiemburh z 17 bałami. U hrupie taksama byli Isłandyja (10 bałaŭ), Bośnija (9) i kvoły Lichtenštejn, jaki prajhraŭ usie 10 matčaŭ.
Takim čynam, vyznačylisia ŭžo 17 zbornych, jakija voźmuć udzieł u čempijanacie Jeŭropy.
Heta zbornyja Niamieččyny (haspadynia spabornictvaŭ), Ispanija, Šatłandyja, Francyja, Niderłandy, Anhlija, Turcyja, Ałbanija, Bielhija, Aŭstryja, Vienhryja, Sierbija, Partuhalija, Słavakija, Rumynija, Šviejcaryja, Danija.
Siońnia vyznačacca jašče try ŭdzielniki. Zhulajuć Čechija — Małdova, Słavienija — Kazachstan, Italija — Ukraina. Pačatak usich matčaŭ u 22:45.
Zaŭtra vyznačycca, Charvatyja ci Uels prabjucca na kantynientalnaje pieršynstvo. Charvatyja hulaje doma z Armienijaj, a Uels ź niematyvavanaj Turcyjaj.
Jašče try ŭdzielniki vyznačacca ŭ stykavych matčach Lihi nacyj u sakaviku.
Pakul u zapavietnuju dvanaccatku, jakaja sfarmuje sietku mini-turniru traplajuć: Polšča, Bośnija, Izrail, Finlandyja, Estonija, Hruzija, Hrecyja, Luksiemburh; a taksama Kazachstan, Italija, Ukraina, Charvatyja i Uels, kali nie trapiać na Jeŭra siońnia ci zaŭtra.
Kamientary