ADKB abvierhła apublikavanyja pres-słužbaj Łukašenki słovy hiensakratara arhanizacyi pra admovu Armienii ad dapamohi błoka
21 listapada sakrataryjat ADKB vystupiŭ z kamientaryjem, u jakim paviedamiŭ, što ŭ pieryjad staršynstva Biełarusi «ŭ pracy dahetul znachodzilisia dva dakumienty, jakija mieli dačynieńnie da stabilizacyi abstanoŭki na Paŭdniovym Kaŭkazie».
Sakrataryjat Arhanizacyi Damovy ab kalektyŭnaj biaśpiecy (ADKB) faktyčna abvierhnuŭ apublikavanyja pres-słužbaj Alaksandra Łukašenki słovy hienieralnaha sakratara ADKB Imanhali Tasmahambietava pra admovu Armienii ad dapamohi błoka, piša «Pozirk».
Pa vynikach sustrečy Tasmahambietava z Łukašenkam 20 listapada ŭ Minsku pres-słužba apošniaha prypisała hiensakrataru ADKB zajavu pra toje, što adno z dvuch niavykananych mierapryjemstvaŭ «pa realizacyi rašeńniaŭ Savieta kalektyŭnaj biaśpieki listapadaŭskaj siesii minułaha hoda i pryjarytetnych napramkaŭ Biełarusi» — daručeńnie SKB «pa dapracoŭcy rašeńnia pa dapamozie Armienii».
«Armianski bok, choć usie astatnija sajuźniki padtrymali hetaje rašeńnie, nie vykazvaŭ nijakaj svajoj cikavaści da hetaha dakumienta i, bolš za toje, u zaviaršalnaj častcy našaj pracy jany paprasili jaho ŭvohule źniać z paradku dnia», — zajaviŭ Tasmahambietaŭ, kali vieryć pres-słužbie Łukašenki.
21 listapada sakrataryjat ADKB vystupiŭ z kamientaryjem, u jakim paviedamiŭ, što ŭ pieryjad staršynstva Biełarusi «ŭ pracy dahetul znachodzilisia dva dakumienty, jakija mieli dačynieńnie da stabilizacyi abstanoŭki na Paŭdniovym Kaŭkazie».
«Havorka idzie pra prajekty rašeńnia SKB ADKB «Ab sumiesnych mierach pa akazańni dapamohi Respublicy Armienija» i zajavy ministraŭ zamiežnych spraŭ dziaržaŭ — členaŭ arhanizacyi ŭ padtrymku namahańniaŭ pa dasiahnieńniu miru ŭ hetym rehijonie. Napiaredadni pasiadžeńniaŭ statutnych orhanaŭ ADKB u Minsku armianski bok prapanavaŭ źniać z razhladu prajekt zajavy. Praca nad prajektam rašeńnia SKB ab nakiravańni ŭ Armieniju manitorynhavaj misii i akazańni inšych praktyčnych mier praciahvajecca», — havorycca ŭ kamientaryi.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak6
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary