Hramadstva

«Bajsoł» abjaviŭ akcyju «Padorym dzieciam cud», Ihar Słučak padtrymaŭ jaje aŭkcyjonam

Fond salidarnaści Bysol abviaściŭ akcyju, jakaja ŭ apošnija hady stała ŭžo tradycyjnaj. Meta jaje — paradavać dziaciej palitviaźniaŭ na kaladnyja śviaty.

«U mnohich biełaruskich dzietak chtości z baćkoŭ (a časam i abodva) u hety čas znachodzicca za kratami pa palityčnych matyvach. Mnohija siemji vymušanyja buduć sustrakać navahodnija śviaty ŭ čužoj krainie, u rastańni, nie majučy mahčymaści zrabić tradycyjnyja padarunki rodnym.

Dla nas, Biełaruskaha Fonda Salidarnaści BYSOL, važna, kab u hetyja časy ŭ siemjach palitźniavolenych śviata adbyłosia niahledziačy ni na što. 

Razam z vami my možam zrabić tak, kab palitźniavolenyja baćki padaryli svaim dzieciam krychu radaści ŭ hetyja dni. Dziakujučy cudam, jakija my razam možam zrabić, jak hieroj viadomaj pieśni, — piša «Bajsoł», abjaŭlajučy zbor z namieram sabrać nie mienš čym 20 000 jeŭra.

Achviaravać na padarunki dzieciam palitviaznaŭ možna pa spasyłcy.

Na padarunak dla kožnaha dziciaci płanujecca vydzielić pa 100 jeŭra.

U padtrymku hetaj akcyi vystupiŭ viadomy hramadski aktyvist, «moŭny inśpiektar» i baćka dvuch małych dziaciej Ihar Słučak, jaki niadaŭna razam ź siamjoj pry dapamozie Bysol evakujavaŭsia ź Biełarusi.

Jon ad svajho imia abjaviŭ dabračynny aŭkcyjon, na jaki vystaviŭ błok davoli redkaj marki «Biełpošty» sa svajoj asabistaj kalekcyi. Na joj — repradukcyja lehiendarnaj i kultavaj karciny «Jeva» Chaima Sucina, što stała adnym ź simvałaŭ pratestaŭ 2020 hoda.

«Nie viedaju, čym ja kiravaŭsia padčas evakuacyi, ale zamiest dypłoma ab adukacyi abo palčatak uziaŭ hety błok marak. To niachaj jany pasłužać dobraj spravie. Usie atrymanyja srodki pojduć na kaladnyja padarunki dzieciam palitviaźniaŭ», — napisaŭ Ihar Słučak u fejsbuku.

Pačatkovaja staŭka vyznačanaja ŭ 100 jeŭra, to-bok u košt padarunka dla adnaho dziciaci, minimalny krok — 15 jeŭra.

Staŭku možna rabić u kamientarach publična, abo, kali publičnaść niemahčymaja ci niepažadanaja, jość varyjant napisańnia aŭtaru ŭ asabistyja paviedamleńni.

Aŭkcyjon zavieršycca 26 listapada ŭ 10:16 pa Minsku, marki atrymaje čałaviek, čyja staŭka budzie najvyšejšaj.

Na momant publikacyi hetaha materyjału staŭka darasła da 215 jeŭra.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Dźmitryj Łukašenka źnik ź infarmacyjnaj prastory7

Dźmitryj Łukašenka źnik ź infarmacyjnaj prastory

Usie naviny →
Usie naviny

«Jula — nie pra hrošy». Urad Ukrainy ŭznačalić žančyna

Tramp: «I ja taki: dziŭna!» Stenahrama zajavaŭ Trampa i Rute ŭ Biełym domie6

Hubiernatary vystupajuć z zaklikami da biełarusaŭ nie lotać u Rasiju. Pres-słužby vinavaciać štučny intelekt8

Zatrymanuju ŭ Varšavie na zapyt Interpała biełarusku na radzimu nie ekstradujuć3

Cpraścili praviły rehistracyi ziamielnych učastkaŭ

Tramp: 17 sistem Patriot adpravim va Ukrainu20

ZŠA źbirajucca pieradać Kijevu kryłatyja rakiety JASSM2

Biełarusa, jaki napaŭ na Paŭła Łatušku, užo departavali z Polščy ŭ Biełaruś4

U Rasii małankaj zabiła na plažy troch čałaviek. Jak tak atrymałasia?4

bolš čytanych navin
bolš łajkanych navin

Dźmitryj Łukašenka źnik ź infarmacyjnaj prastory7

Dźmitryj Łukašenka źnik ź infarmacyjnaj prastory

Hałoŭnaje
Usie naviny →

Zaŭvaha:

 

 

 

 

Zakryć Paviedamić