Minekanomiki pradoŭžyć rabotu pa libieralizacyi miechanizmu. Pra heta zajaviŭ ministr ekanomiki Biełarusi Mikałaj Snapkoŭ 22 śniežnia ŭ Minsku na pasiadžeńni prezidyuma Savieta ministraŭ.
«Minekanomiki vyznačany pieršačarhovyja miery, jakija pavinny być raelizavanyja ŭ nastupnym hodzie. Pierš za ŭsio heta libieralizacyja cenaŭtvareńnia, farmiravańnie zatrat i sabiekoštu pradukcyi», — adznačyŭ ministr, abviaščajučy paramietry sacyjalna‑ekanamičnaha raźvićcia na 2006—2010 hady.
Pavodle słoŭ ministra, «najaŭnaja sistema administracyjnaha rehulavańnia cen, niahledziačy na peŭnyja zruchi ŭ jaje libieralizacyi, u peŭnaj miery źjaŭlajecca prablemaj dla viadzieńnia biźniesu, pakolki źviazana sa šmatlikimi pravierkami, štrafami, vialikim dakumientaabarotam i inšymi prablemami».
U metach dalejšaj libieralizacyi «praduhledžvajecca admianić dziejańnie asnoŭnych pałažeńniaŭ pa składzie zatrat, što ŭklučajucca ŭ sabiekošt tavaraŭ dla metaŭ cenaŭtvareńnia, zachavaŭšy ich tolki ŭ jakaści rekamiendacyi», paviedamiŭ Snapkoŭ.
Taksama praduhledžvajecca značna skaracić pieralik tavaraŭ, adnosna jakich ažyćciaŭlajecca dziaržaŭnaje rehulavańnie cen i taryfaŭ, i admianić abaviazkovaje patrabavańnie ekanamičnaha abhruntavańnia ŭzroŭniu cen i taryfaŭ, zachavaŭšy ich tolki adnosna rehulavanych cen i manapalistaŭ».
Pavodle słoŭ Snapkova, «heta dazvolić spraścić rabotu ekanamičnych słužb pradpryjemstvaŭ i arhanizacyj pa składańni dadatkovych ekanamičnych raźlikaŭ, skaracić dakumientaabarot i vytvorčyja raschody».
Akramia taho «kiraŭnikam budzie dadziena mahčymaść kiravacca statutnymi dakumientami svaich pradpryjemstvaŭ, hnutka farmiravać ceny na roznuju pradukcyju ŭ zaležnaści ad vytvorčaj nieabchodnaści i kanjunktury rynku», padkreśliŭ ministr.
Ciapier čytajuć
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili 250 palitviaźniaŭ13
Kamientary