Prezident Łatvii pakazaŭ, jak znachodziŭsia ŭ schoviščy padčas masiravanaj ataki dronaŭ
Prezident Łatvii Edhar Rynkievič, jaki znachodzicca va Ukrainie, spuskaŭsia ŭ schovišča ŭ noč na subotu, kali Kijeŭ padvierhnuŭsia masiravanaj atacy dronaŭ z boku Rasii, piša «Ukrainskaja praŭda».
«25 listapada, 05:10 ranicy, Kijeŭ», — padpisaŭ fatahrafiju Rynkievič u tvitary.
25.11.plkst. 5.10, Kijiva
Foto: Ilmārs Znotiņš pic.twitter.com/56vsUsMJvz
U noč na subotu, 25 listapada, Rasija vypuściła pa Ukrainie rekordnuju kolkaść udarnych BpŁA — kala 75 «Šachiedaŭ».
Prezident Łatvii 24 listapada prybyŭ va Ukrainu ź nieanansavanym vizitam.
Pavodle jaho słoŭ, jon naviedaŭ niekalki abjektaŭ u Čarnihaŭskaj vobłaści, jakija adbudoŭvali za srodki Łatvii, a taksama sustreŭsia z prezidentam Ukrainy Uładzimiram Zialenskim i abmierkavaŭ ź im dvuchbakovyja adnosiny i padtrymku z boku ES i NATA.
Na sumiesnaj z Uładzimiram Zialenskim pres-kanfierencyi Rynkievič vykazaŭ upeŭnienaść, što Jeŭrapiejski Sajuz, niahledziačy na supraciŭ asobnych dziaržaŭ-siabroŭ, u kančatkovym vyniku prymie ŭsie stanoŭčyja dla Ukrainy rašeńni.
Pierad hetym Rynkievič zajaŭlaŭ, što krainy ES i NATO pavinny pavialičyć svaje mahutnaści abaronnaj pramysłovaści, kab vyrablać nieabchodnaje ŭzbrajeńnie dla siabie i dla Ukrainy.
Kamientary