«Siońnia Jeŭropie patrebnaja biaśpieka ad Rasii i suprać Rasii, a nie z Rasijaj». Ministry zamiežnych spraŭ krain Bałtyi nie buduć udzielničać u pasiadžeńni ABSIE
Kiraŭniki MZS usich troch krain Bałtyi zajavili, što nie buduć brać udzieł u 30-m pasiadžeńni Rady ministraŭ Arhanizacyi biaśpieki i supracoŭnictva ŭ Jeŭropie (ABSIE), jakoje projdzie ŭ sieradu ŭ stalicy Paŭnočnaj Makiedonii — Skopje.
U sumiesnaj zajavie ministraŭ zamiežnych spraŭ Estonii, Łatvii i Litvy vykazvajecca škadavańnie, što ministru zamiežnych spraŭ Rasii Siarhieju Łaŭrovu, jaki pradstaŭlaje krainu-ahresara, dazvolili prysutničać na pasiadžeńni. Ministry adznačajuć, što heta tolki daść Rasii «jašče adnu mahčymaść raspaŭsiudžvać prapahandu».
«ABSIE pieršapačatkova była stvorana dla ŭmacavańnia jeŭrapiejskaj biaśpieki, praduchileńnia kanfliktaŭ i zachavańnia miru. A Rasija svaimi niezakonnymi i žorstkimi dziejańniami nieadnarazova pakazvała, što jana nie źjaŭlajecca partnioram u jeŭrapiejskaj biaśpiecy. Nasamreč siońnia Jeŭropie patrebnaja biaśpieka ad Rasii i suprać Rasii, a nie z Rasijaj», — havorycca ŭ zajavie.
Ministry adznačyli, što Rasija nie tolki parušaje mižnarodnaje prava i pryncypy ABSIE svaimi dziejańniami va Ukrainie, ale i zajmajecca abstrukcyjaj unutry samoj arhanizacyi, u pryvatnaści, błakujučy lubuju prysutnaść i dziejnaść ABSIE va Ukrainie, a taksama błakujučy staršynstva Estonii ŭ arhanizacyi ŭ 2024 hodzie i «kanstruktyŭnyja rašeńni pa zachavańni žyćcia i funkcyjanavańnia ABSIE» z «całkam nadumanych pryčyn».
«Prysutnaść Siarhieja Łaŭrova na pasiadžeńni Rady ministraŭ ABSIE taksama pahražaje lehitymizacyjaj Rasii-ahresara ŭ jakaści zakonnaha čalca našaj supolnaści svabodnych narodaŭ, abiasceńvańniem rasijskich złačynstvaŭ i paturańniem aburalnamu ihnaravańniu i parušeńniu Rasijaj asnovatvornych pryncypaŭ i abaviazkaŭ ABSIE, — havorycca ŭ zajavie. —
My, ministry Estonii, Łatvii i Litvy, nie budziem udzielničać u hetym i nie voźmiem na siabie adkaznaść za nastupstvy, da jakich heta pryviadzie».
Čytajcie taksama:
Armienija paprasiła partnioraŭ u ADKB źniać z paradku dnia dakumient ab dapamozie krainie
Upieršyniu za amal try hady pasoł krainy ES uručyła kopii davierčych hramat kiraŭniku MZS
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»2
Kamientary
A prablemy ? A prablemy byli niejdzie daloka, jany byli čužyja. Ale voś adčuli pahrozu ŭžo da siabie, pryjšła čarha, i što my čujem ? My čujem, što siońnia Jeŭropie pazarez patrebna biaśpieka. Kaščunna i pa-bluźniersku, pa-jeŭrapiejsku, kali chočacie...