«Kreŭnyja spadčyńniki enkavedystaŭ z 30-ch prypadniali viečka truny minułaha i maršyrujuć pa siońniašniaj Biełarusi»
Na Anatola Labiedźku zaviedziena šeść kryminalnych spraŭ. «77 hadoŭ kałonii — aryfmietyka palityčnaj šyzafrenii», — kanstatuje palityk.
«Narešcie atrymaŭ dostup (častkovy) da infarmacyi ab svaich kryminalnych spravach, jakija kaalicyja siłavych kantor lepić, habluje z absurdu, palityčnaj šyzafrenii, chvoraha ŭjaŭleńnia i złačynnaha zakazu. Bukiet z šaści artykułaŭ, pačynajučy ad zdrady dziaržavie da finansavańnia ekstremisckaj dziejnaści.
Kali brać vierchniuju płanku, jaki praduhledžvajecca kožnym artykułam terminu pakarańnia, to atrymlivajecca … 77 hadoŭ. Na praktycy takoha nie budzie, ale ŭjaŭleńnie ab apietytach i chaciełkach niedaprokuroraŭ, niedaśledčych jość zavieršanaje», — napisaŭ Anatol Labiedźka.
Palityk upeŭnieny, što samavolstva skončycca, ale bol strat budzie adčuvalnaj, a košt vydatkaŭ vysokim.
«Što tut skazać?! Ideałahičnyja i kreŭnyja spadčyńniki enkavedystaŭ z 30-ch prypadniali viečka truny minułaha i maršyrujuć pa siońniašniaj Biełarusi. Razmachvajučy pierad miljonami biełarusaŭ kart-błanšam na ŭsiodazvolenaść i biespakaranaść», — reziumuje palityk.
Eks-kiraŭnik Abjadnanaj hramadzianskaj partyi, a siońnia daradca Śviatłany Cichanoŭskaj pa parłamienckim supracoŭnictvie i kanstytucyjnaj reformie Anatol Labiedźka ź leta 2021 hoda znachodzicca za miažoj. U sakaviku 2023 hoda byŭ aryštavany jaho syn Arciom i ŭ žniŭni asudžany na try z pałovaj hady pa abvinavačańni ŭ «finansavańni dziejnaści ekstremisckaha farmavańnia».
-
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
-
«Bajsoł» abvinavaciŭ Stryžaka ŭ admovie pieradać kantrol nad jurydyčnymi asobami ŭ Polščy i ZŠA
-
Departavanym palitviaźniam, kab abžycca na novym miescy, zaraz treba prostyja rečy: vopratka, posud, paściel — zbor
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram8
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1818
Kamientary