Litaratura

Nazvali łaŭreataŭ premii «Debiut» i premii Karłasa Šermana

1 śniežnia ŭ miežach Kirmaša histaryčnaj knihi ŭ Varšavie byli abvieščanyja pieramožcy adrazu niekalkich litaraturnych premij: premii «Debiut» imia Maksima Bahdanoviča, jakaja dajecca litarataram za pieršuju knihu, i premii imia Karłasa Šermana, jakaja dajecca za najlepšyja pierakłady, paviedamlaje bellit.info.

Premiju «Debiut» za 2021 i 2022 hady ŭ halinie prozy atrymała Taćciana Karytka za knihu «Čamu ŭsio tak?» (Knihazbor, 2020). Žury adznačyła hety debiutny tvor «za nietryvijalnuju sprobu stvareńnia sacyjalna-psichałahičnaha detektyva».

U naminacyi «Mastacki pierakład» pieramožcam staŭ Jaŭhien Papakul ź pierakładam sa staražytnaisłandskaj movy «Edy Snory Sturłusana» (Halijafy, 2021). Žury vyłučyła pracu pierakładčyka «za dałučeńnie biełaruskich čytačoŭ da skandynaŭskaj mudraści».

Taksama byli ahučanyja vyniki premii dla pierakładčykaŭ imia Karłasa Šermana asobna za 2021 i za 2022 hady.

Za 2021 hod

U naminacyi «Pierakład paezii» łaŭreatam staŭ Jaŭhien Papakul z knihaj «Eda. Pieśni pra hierojaŭ» (Technałohija, 2021) «za dziorzkaje pieraŭvasableńnie fundamientalnaha tvoru suśvietnaj kłasiki».

U naminacyi «Pierakład prozy» najlepšym byŭ nazvany Siarhiej Šupa ź pierakładam z hišpanskaj «Vosieni patryjarcha» Habryjela Harsii Markiesa (Januškievič, 2021). Žury adznačyła «bliskučuju ekvivalentnaść i nabližanaść da aŭtarskaj zadumy».

I ŭ naminacyi «Pierakład dziciačaj knihi» pieramoh Siarhiej Matyrka, jaki pierakłaŭ knihu Otfryda Projślera «Krabat. Lehienda Čornaha młyna» (Januškievič, 2021). Mienavita «hłybokaje pračytańnie składanaj kazki i majsterskaje zachavańnie mifałahičnych elemientaŭ» zrabiła pierakładčyka łaŭreatam.

Za 2022 hod

U halinie paezii «za virtuozny padychod da staradaŭniaj intymna-relihijnaj tematyki» łaŭreactva zdabyŭ Siarhiej Šupa ź pierakładam sa staražytnahabrejskaj movy «Pieśni pieśniaŭ» (Vesna Books, Praha, 2022).

U prazaičnaj naminacyi «za daskanałaść pieradačy movy nadzvyčaj aktualnaha šmatpłanavaha polskaha biestsielera» premiju atrymaŭ Mikoła Ramanoŭski, jaki pierakłaŭ raman Ščepana Tvardacha «Karol» (Januškievič, Varšava, 2022).

I śpiecpryzam «za śmieły pierakładčycki debiut» byŭ adznačany Andrej Strocaŭ za pierastvareńnie tvoru kłasika anhlijskaha fentezi Kłajva Stejpłza Ljuisa «Chroniki Narnii: Prync Kaśpijan». (Pazityŭ-centr, 2022).

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Usie naviny →
Usie naviny

Jakija karysnyja vykapni jość va Ukrainie?2

Ejsmanty na «Majbachu», Baskaŭ na «Bentli». Chakiejny siezon u Minsku zakryli z šykam-blaskam43

Kampanija A1 zapuściła svajo taksi. Dzie ciapier tańniej?2

Litva i Polšča zdahnali Izrail pa VUP na dušu nasielnictva12

U Danii aŭtamabil urezaŭsia ŭ natoŭp ludziej — paciarpieli minimum 11 čałaviek1

Napali i paranili ŭkrainskaha błohiera Siarhieja Ściarnienku34

Azaraŭ: Dumaju, Mielnikava pajechała adpačyvać na Kubu37

Reanimatołah Martaŭ raskazaŭ, jak vyratavaŭ žančynu z čatyrma skraznymi ranieńniami serca5

«Absalutny chaos». Kamała Charys raskrytykavała Trampa ŭ pieršaj pramovie paśla parazy na vybarach8

bolš čytanych navin
bolš łajkanych navin

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Hałoŭnaje
Usie naviny →

Zaŭvaha:

 

 

 

 

Zakryć Paviedamić