Sport11

«Bavaryja» kupiła pierśpiektyŭnaha hulca zbornaj Ispanii z rostam 164 santymietry

Heta pieršy tranśfier zimy.

Brajan Sarahosa (№ 10) abvodzić Skota Mak-Tomineja ŭ matčy zbornych Ispanii i Šatłandyi. Fota: instahram Brajana Sarahosy.

Hulec «Hranady» Brajan Sarahosa staŭ hulcom «Bavaryi». Pra pierachod z 19-j kamandy ispanskaj Ła Lihi ŭ hałoŭnuju kamandu Niamieččyny ŭžo paviedamili aficyjna, piša Championat.com

Uhoda budzie aformlena ŭ heta zimovaje tranśfiernaje akno, ale futbalist zastaniecca ŭ ispanskim kłubie da kanca siezona na pravach arendy i tolki letam adpravicca ŭ Miunchien. Kantrakt raźličany da 2028 hoda. Pavodle infarmacyi niamieckich ŚMI, Brajan kaštavaŭ «Bavaryi» €15 młn.

Hałoŭny futbolny insajdar Fabrycya Ramana dadaje, što na Sarahosu pretendavaŭ jašče «RB Lajpcyh», jaki hatovy byŭ zapłacić €14 młn. Ale hety niamiecki kłub raźličvaŭ na hulca ŭžo sa studzienia 2024 hoda, a sam Brajan i «Hranada» pieršapačatkova chacieli, kab jon zaviaršyŭ siezon u Ispanii.

Što treba viedać pra Sarahosu?

Jamu 22 hady, i jon tolki niekalki miesiacaŭ hulaje na vysokim uzroŭni. Debiutavaŭ u Ła Lizie ŭ žniŭni hetaha hoda i praktyčna adrazu staŭ hulcom asnoŭnaha składu. Choć letaś navat u Siehundzie (druhi dyvizijon) usiaho tolki vychodziŭ na zamienu ŭ druhich tajmach.

U 14 turach čempijanatu Ispanii na jaho rachunku 5+2 pa sistemie «hoł+pas». Heta vyhladała b standartna dla futbalista z top-kłuba, ale nie ź pieradapošniaj kamandy lihi.

Sarahosa — lidar svajho kłuba pa vynikovych dziejańniach. A jašče pa čakanych asistach, dakładnych udarach, jakija prasoŭvajuć pieradačy, i viadzieńni miača. Pa ŭdałym dryblinhu (40 abvodak) jon uvohule pieršy siarod futbalistaŭ usich 20 kamand Ła Lihi. Praŭda, tut treba ŭličvać traŭmu brazilca Vinisiŭsa z «Reała», u jakoha nabrałasia 30 abvodak.

Źviartaje na siabie ŭvahu rost Sarahosy. Pry 164 sm u jaho, naturalna, ścipłyja pakazčyki ŭ płanie adzinaborstvaŭ i hulni hałavoj. Ale heta ad jaho i nie patrabujecca.

Hulajučy na svaich mocnych jakaściach, jon zabiŭ dva miačy «Barsiełonie».

Praŭda, u zbornaj na jaho rachunku tolki adzin matč: adboračnaja hulnia da Jeŭra-2024 z šatłandcami.

Brajan źjaviŭsia na poli adrazu paśla pierapynku i adznačyŭsia tym, što abvioŭ Skota Mak-Taminieja z «MIU», a jašče prymusiŭ na sabie sfalić na žoŭtuju kartku Nejtana Patersana z «Eviertana».

Kamientary1

  • Žvir
    07.12.2023
    A jakoha rostu byŭ Maradona ? Tak, na ŭsiaki vypadak.

Ciapier čytajuć

Tramp uchvaliŭ płan ataki na Iran, ale pakul ustrymlivajecca ad zahadu

Tramp uchvaliŭ płan ataki na Iran, ale pakul ustrymlivajecca ad zahadu

Usie naviny →
Usie naviny

U Bierlinie pakazali opieru pra PVK «Vahnier». U pastanoŭcy ŭdzielničaje i biełaruskaja śpiavačka2

U Minsku pastavili bronzavy pomnik kačcy, jakaja letaś stała lubimicaj stalicy2

Piaciora školnikaŭ u Słonimie razhramili budynak byłoj škoły

Na mužčynu ŭ Łunincy ŭpała špakoŭnia, u jaho ciažkija cialesnyja paškodžańni

Advakat łatvijskaha baskietbalista Cimy: Z rasijskaha morha jaho addali hołym, biez hrymu i balzamacyi1

Na praciahu dvuch sutak ZŠA prymuć rašeńnie ab mahčymym dałučeńni da vajennych dziejańniaŭ suprać Irana6

Ankołah Karanik vystupiŭ z dakładam ab zachavańni bujnoj rahataj žyvioły14

Maładuju minskuju jurystku, jakaja ciapier zajmajecca dyzajnam interjeraŭ, asudzili za ŭdzieł u pratestach7

Taŭro «Słava Rasii» na žyvacie ŭkrainskaha pałonnaha. Chto i navošta moh heta zrabić i ci možna jaho vyvieści?2

bolš čytanych navin
bolš łajkanych navin

Tramp uchvaliŭ płan ataki na Iran, ale pakul ustrymlivajecca ad zahadu

Tramp uchvaliŭ płan ataki na Iran, ale pakul ustrymlivajecca ad zahadu

Hałoŭnaje
Usie naviny →

Zaŭvaha:

 

 

 

 

Zakryć Paviedamić