Pahadnieńnie pamiž uradami Biełarusi i Vjetnama ab uzajemnaj admienie viz padpisana ŭ Chanoi 8 śniežnia, paviedamlaje BiełTA.
Cyrymonija padpisańnia i abmienu dakumientami ab supracoŭnictvie pamiž krainami prajšła pa vynikach pieramoŭ premjer-ministraŭ ramana Hałoŭčanki i Fam Miń Čynia.
Akramia pahadnieńnia ab admienie viz, baki taksama padpisali pahadnieńni ab pieradačy asudžanych dla dalejšaha adbyćcia pakarańnia i ab aficyjnym raspaŭsiudžvańni nacyjanalnych standartaŭ Vjetnama na terytoryi Biełarusi.
Dypłamatyčnyja adnosiny pamiž Biełaruśsiu i Vjetnamam ustanoŭlenyja 24 studzienia 1992 hoda. Biełaruskaje handlovaje pradstaŭnictva ŭ Chanoi było pieraŭtvorana ŭ pasolstva ŭ śniežni 1997 hoda, vjetnamskaja dypłamatyčnaja misija ŭ Minsku adkryłasia ŭ kancy 2003-ha.
Napiaredadni, 7 śniežnia hetaha hoda, było ŭračysta adkryta Hienieralnaje konsulstva Biełarusi ŭ horadzie Chašymin, jaki znachodzicca na poŭdni Vjetnama.
Kamientary