Zatrymany za dyviersiju ŭ rasijskim tuneli biełarus — šmatdzietny baćka, jaki nie zmaŭčaŭ u 2020-m
Siarhiej Jeramiejeŭ, jakoha vinavaciać u padryvie dvuch ciahnikoŭ na Bajkała-Amurskaj mahistrali ŭ Buracii, pracavaŭ na «Naftanie» i dałučyŭsia da stački ŭ 2020-m.
Siarhiej Jeramiejeŭ — heta biełarus, jakoha rasijskija ŭłady abvinavačvajuć u terakcie. Jon pryznaŭsia ŭ praviadzieńni dyviersii ŭ tuneli na Bajkała-Amurskaj mahistrali, jakaja maje stratehičnaje značeńnie dla handlu Rasii z Kitajem.
Jeramiejeŭ, kali vieryć jahonym rastyražavanym pakazańniam, śviadoma pajšoŭ na padryŭ, ustanaviŭšy vybuchovuju pryładu. Jon viedaŭ, što heta i dla čaho.
U Biełarusi Jeramiejeŭ straciŭ rabotu praz palityku. Siarhiej pracavaŭ na «Naftanie» i ŭdzielničaŭ u stačcy ŭ 2020 hodzie. Jon tady byŭ apierataram pryładaŭ. Jaho fota z zajavaj pra dałučeńnie da stački publikavali roznyja kanały.
Siarhiej Jeramiejeŭ, pavodle infarmacyi «Biełpoła», naradziŭsia ŭ Navapołacku ŭ 1971 hodzie. Usio žyćcio pražyŭ u horadzie, u jakim vyras. Jon z prostaj siamji. Baćka Jeramiejeva rana pamior, a maci ŭsio žyćcio adpracavała malarom u budaŭničym upraŭleńni.
Jeramiejeŭ — šmatdzietny baćka. U jaho troje dziaciej. Praŭda, z žonkaj raźvioŭsia.
Čym zajmaŭsia paśla zvalnieńnia z «Naftana», dakładna nieviadoma. Raniej ŚMI sa spasyłkaj na rasijskija śpiecsłužby paviedamlali, što jon byŭ indyvidualnym pradprymalnikam.
Pad vartaj Jeramiejeŭ jak minimum da 30 studzienia 2024 hoda. Utrymlivajuć jaho ŭ SIZA horada Omska.
Pa materyjałach spravy, vybuchoŭku Jeramiejeŭ atrymaŭ u Biełarusi i pravioz na Daloki Uschod. Za heta nibyta atrymaŭ hrašovuju ŭznaharodu. Jamu pieradali nie mienš za siem nieŭstanoŭlenych vybuchovych pryład.
U vyniku padryvaŭ dvuch ciahnikoŭ z naftapraduktami, jakija ruchalisia z Tajšeta ŭ Tyndu i Nierunhry pa Bajkała-Amurskaj mahistrali, zaharelisia cysterny z haruča-zmazačnymi materyjałami, što časova błakavała ruch pa mahistrali. Paśla hetaha Jeramiejeŭ taksama byccam by atrymaŭ hrošy.
Byli raspačatyja dźvie kryminalnyja spravy.
-
U Biełarusi sioleta niama čarnic. Kali letaś narychtoŭščyki pryniali dziasiatki ton jahady, to sioleta — ničoha
-
Stała viadoma imia jašče adnaho ahienta KDB, jaki moža być datyčnym da źniknieńnia Mielnikavaj
-
U Homieli piensijanier vysadziŭ u dvary drevy. Ale ich vierchaviny paabłomvała złaja 90-hadovaja susiedka
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii22
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4141
Kamientary