Śviet šaleje pa chicie Kaci Lel. Padobna, što za hetym staić biełarus
Adzin z apošnich bujnych trendaŭ tyktoku — zapis videa pad trek Kaci Lel «Moj marmieładnyj» 2004 hoda. Tysiačy zamiežnikaŭ z usiaho śvietu prybirajucca ŭ šuby i šapki-vušanki i padpiavajuć zabytaj pieśni, jakaja z-za hetaha ŭ listapadzie znoŭ nabrała papularnaść. Vierahodna, što trend zapuściŭ biełarus.
U tyktoku možna prahledzieć, jakaja muzyka była vykarystanaja padčas stvareńnia rolika. Voźmiem, naprykład, rolik ad voś hetaj dziaŭčyny:
U im paznačana, što ŭ videa ŭžytaja muzyka ad karystalnika scar1exa. Hetaja ž viersija chita, jakuju jon stvaryŭ, źjaviłasia jašče ažno ŭ 1,7 miljona videa, raźmieščanych u tyktoku.
Voś, naprykład, frankamoŭnaja dziaŭčyna zamianiaje vušanku na ŭłasnaha kata i pad «Moj marmieładnyj» zarablaje amal šeść miljonaŭ łajkaŭ:
A voś mužčynski padychod da spravy:
Chto ž taki scar1exa? Pavodle jaho staronki, heta tyktokier z Hrodna. Jon maje 20,7 tysiačy padpisantaŭ i zajmajecca stvareńniem videa z remiksami na papularnuju muzyku.
Zvyčajna treki ad scar1exa nabirajuć nie mienš za 10-15 tysiač prahladaŭ, ale niaredka zalatajuć i na bolšyja ličby. Naprykład, jaho aryhinalny varyjant pieśni MakSim «Trudnyj vozrast» sabraŭ 533 tysiačy prahladaŭ:
Inšy trek, «Musi-Pusi» ad Kaci Lel, u varyjancie biełarusa nabraŭ užo dva miljony prahladaŭ:
Ale «Moj marmieładnyj» — sapraŭdny pośpiech biełaruskaha tyktokiera. Rolik ad scar1exa, huk ź jakoha vykarystali ŭ amal dvuch miljonach rolikaŭ, nabraŭ 11,9 miljona prahladaŭ. Voś hetaje videa, ź jakoha, vierahodna, usio pačałosia:
Videa vykładziena jašče ŭ krasaviku 2023 hoda, zadoŭha da suśvietnaha šalenstva na šapkach-vušankach i Kaci Lel. Pad videa chłopca 1436 kamientaroŭ na roznych movach — ad pytańniaŭ nakont pieśni da śćvierdžańnia, što pieršapačatkovy trek vykanany pa-rumynsku.
«Naša Niva» — bastyjon biełaruščyny
PADTRYMAĆBašłykievič zapisaŭ haračuju afišu da kancerta. Na muzyku — tolki abutak i hitara VIDEA
Što słuchaje Saša Ivulin — płejlist
Ukrainka z rasijskim pašpartam źbiraje «Minsk-Arenu». Try razy zapar
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi4
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary