Zasnavalnik Facebook buduje postapakaliptyčny bunkier koštam 270 miljonaŭ dalaraŭ.
Vydańnie Wired u svaim rasśledavańni paviedamlaje, što Mark Cukierbierh i jaho žonka Pryscyła Čanh u režymie sakretnaści budujuć žyły kompleks «Sudnaha dnia» na havajskaj vyśpie Kaŭi.
Budaŭničaja kampanija i ŭsie jaje supracoŭniki padpisali strohuju damovu ab nievydavańni ŭmoŭ i detalaŭ budučaj budoŭli. Na dadzieny momant majontak abniesieny ścianoj vyšynioj 1,8 mietra.
«Pieršaje praviła bajcoŭskaha kłuba: nie zhadvać pra bajcoŭski kłub», — raspavioŭ vydańniu budaŭnik pa imieni Devid.
Pa danych Wired, usiaho budzie ŭźviedziena kala 10 budynkaŭ, a prajekt stanie adnoj z samych darahich asabistych budoŭlaŭ u sučasnaj historyi. U hałoŭnym pamiaškańni nie mienš za 30 spalniaŭ i vannych pakojaŭ.
U inšych pamiaškańniach buduć ofisy, lifty, kanfierenc-zały. Tam ža buduć basiejny, spartzały i navat vializnaje futbolnaje pole. Usie budynki pavinny być złučany padziemnym kalidoram, što idzie ŭ bunkier.
Paviedamlajecca, što pa prajekcie taksama pabudujuć 11 damoŭ na drevach, źviazanych viarovačnymi mastami, kab haściam nie davodziłasia dakranacca da ziamli pry pierachodach pamiž kanstrukcyjami.
Bo padłoha — stanie łavaj.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary