Google znajšoŭ sposab, jak nie raskryvać siłavikam miescaznachodžańnie karystalnikaŭ
Kampanija Google bolš nie budzie raskryvać siłavikam miescaznachodžańnie karystalnikaŭ, bo sutyknułasia ź ciskam amierykanskich zakanadaŭcaŭ i žurnalistaŭ. Pra heta paviedamlaje vydańnie Business Insider, jakomu sama kampanija paćvierdziła najaŭnaść padobnych płanaŭ.
Hetaje rašeńnie Google uźnikła na fonie častaha kryminalnaha pieraśledu ludziej z boku palicyi ZŠA za toje, što jany robiać nielehalnyja aborty ŭ tych štatach, dzie heta zabaroniena zakonam.
Niekatoryja žurnalisckija rasśledavańni pakazvajuć, što amierykanskija palicyjanty rehularna źviartajucca ŭ Google z ordarami na vydaču historyi pieramiaščeńniaŭ takich karystalnikaŭ i vykarystoŭvajuć hetyja danyja ŭ jakaści dokazaŭ dla zaviadzieńnia kryminalnych spraŭ, piša Business Insider.
«U suviazi z hetym 42 kanhresmieny napisali list kiraŭnictvu Google z zaklikam uvohule spynić zbor i zachoŭvańnie infarmacyi ab miescaznachodžańni karystalnikaŭ.
U vyniku kampanija vyrašyła admovicca ad zachoŭvańnia padobnaj infarmacyi na svaich vobłačnych siervierach, pieranakiravaŭšy jaje na łakalnyja schoviščy telefonaŭ karystalnikaŭ. Heta dazvolić Google lehalna admaŭlać palicyi ŭ pieradačy mietadanych, bo ŭ samoj kampanii nie budzie da ich dostupu», — pieradaje Business Insider.
Jak paviedamili vydańniu pradstaŭniki Google, «novaja palityka zachoŭvańnia danych budzie spryjać bolš hłabalnym namahańniam kampanii abaranić kanfidencyjnaść karystalnikaŭ».
Čakajecca, što ŭžo z nastupnaha hoda aktyŭnyja karystalniki servisu Google Maps na pryładach Android i iOS buduć pastupova atrymlivać aficyjnyja apaviaščeńni ab novym sposabie zachoŭvańnia ich mietadanych.
A pakul hetaha jašče nie adbyłosia, voś padrabiaznaja instrukcyja ad «Našaj Nivy», jak u vašym akaŭncie Google pačyścić historyju pieramiaščeńniaŭ (i nie tolki).
Jašče pa temie Google:
Google adbiła samuju mahutnuju DDoS-ataku ŭ historyi
Jak pačyścić vaš akaŭnt u Google Play — pakrokavy hajd
Novaja funkcyja Google dazvolić lahčej praviarać aŭtentyčnaść i krynicy vyjaŭ u internecie
Ciapier čytajuć
Jak skłałasia ŭ emihracyi žyćcio 22‑hadovaj «terarystki» Danuty Pieradni, jakuju vyzvalili pa pamiłavańni3
Kamientary