Matč anhlijskaj premjer-lihi admianili z-za prablem sa zdaroŭjem kapitana adnoj z kamandaŭ
Futbolny matč anhlijskaj premjer-lihi pamiž «Bornmutam» i «Łutanam» admianili paśla taho, jak kapitan «Łutana» straciŭ prytomnaść na poli.
Na 60-j chvilinie 29-hadovy valijski abaronca «Łutana» Tom Łokjer upaŭ na hazon i straciŭ prytomnaść. Sudździa spyniŭ matč, a praź niekalki chvilin paśla taho hulca panieśli na nasiłkach pad apładysmienty hledačoŭ.
Pa papiarednich źviestkach, Łokjer pryjšoŭ u prytomnaść jašče na stadyjonie, ale matč siońnia, tym nie mienš, dahulany nie budzie.
Heta ŭžo druhi vypadak prablem sa zdaroŭjem u Łokjera za hod. 27 maja jon straciŭ prytomnaść padčas hulni z «Kovientry» ŭ druhim anhlijskim dyvizijonie.
U červieni futbalist pieranios apieracyju na sercy (tady ŭ jaho vyjavili redkaje parušeńnie) i zmoh viarnucca ŭ futboł.
Kamientary