Rasijski prezident Uładzimir Pucin padpisaŭ ukaz, jaki spraščaje pryjom u hramadzianstva RF hramadzian Biełarusi, Kazachstana i Małdovy. Dakumient apublikavany na aficyjnym internet-partale pravavoj infarmacyi, piša «Kommiersant».
Zhodna z pucinskim ukazam, hramadzianie Biełarusi, jakija dasiahnuli 18 hadoŭ, zmohuć atrymać rasijskaje hramadzianstva biez vykanańnia patrabavańnia pastajannaha pražyvańnia ŭ Rasii z dnia vydačy DNŽ, vałodańnia ruskaj movaj i viedańnia historyi Rasii dy asnoŭ jaje zakanadaŭstva.
Tyja ž samyja patrabavańni admianiajucca i dla hramadzian Kazachstana dy Małdovy, adnak im jašče nieabchodna paćvierdzić viedańnie ruskaj movy.
Dla atrymańnia hramadzianstva Rasii biełarusam spatrebicca padać adpaviednuju zajavu, dazvoł na žycharstva i pašpart.
Hramadzianam Kazachstana i Małdovy da hetych papier treba dałučyć i dakumient ab vałodańni ruskaj movaj.
Pavodle rasijskaj statystyki, u pieršym paŭhodździ 2023 hoda rasijskaje hramadzianstva ŭžo atrymali 4557 biełarusaŭ i 13 876 kazachstancaŭ.
U MUS adkazali, ci buduć pazbaŭlać hramadzianstva biełarusaŭ, u jakich jość dakumienty inšych dziaržaŭ
«Pahladzieŭ kartu pad svajoj lampaj mahičnaj i pažadaŭ ščaślivaj darohi». Ci sapraŭdy pamiežniki nie vypuskajuć ź Biełarusi, kali čałaviek nie paviedamiŭ pra zamiežny DNŽ?
Stała viadoma, kolki biełarusaŭ pryciahnuli da adkaznaści va Ukrainie i kolki vyhnali praź niesapraŭdnaść pašparta
Kamientary
Bolšie čiem v ES k słovu. No tichanovska vsie ravno budiet rasskazyvať pro to, čto rośsijan i Biełarusov nado otličať