U vyniku stralaniny ŭ Prazie paciarpieli dziasiatki čałaviek, 11 zahinuli
Pavodle infarmacyi miedykaŭ, u vyniku stralaniny ŭ adnym z budynkaŭ Karłava ŭniviersiteta ŭ Prazie zahinuli 11 čałaviek (u tym liku sam strałok), 30 atrymali ranieńni.
«Strałok likvidavany! Ciapier uvieś budynak evakuirujecca, na miescy zdareńnia niekalki zahinułych i dziasiatki paranienych», — havaryłasia ŭ paviedamleńni palicyi.
Strałkom, pavodle najaŭnaj infarmacyi, byŭ student-historyk David Kozak. Paśla taho, jak na miesca złačynstva pryjechali dziasiatki palicejskich mašyn, jon skončyŭ žyćcio samahubstvam.
Ciapier na miescy zdareńnia pracujuć palicyja, miedyki i pažarnyja. Kiraŭnik MUS Čechii Vit Rakušan zajaviŭ, što złačyniec, jaki ŭčyniŭ stralbu va ŭniviersitecie, dziejničaŭ u adzinočku.
«Prysutnaść druhoha strałka paćvierdžanaja nie była», — zajaviŭ jon u efiry kanała ČT24.
Premjer krainy Piotr Fijała paśla taho, što adbyłosia, admianiŭ svaju pracoŭnuju prahramu ŭ horadzie Ałamoŭc i pryniaŭ rašeńnie viarnucca ŭ stalicu. Jon dadaŭ, što ciapier padtrymlivaje kantakt z kiraŭnikom MUS i pravaachoŭnikami.
Karłaŭ univiersitet — viadučaja VNU Čechii. Akramia taho, heta najstarejšy ŭniviersitet u Centralnaj i Uschodniaj Jeŭropie, jaho zasnavaŭ karol Karł IV Luksiemburhski ŭ 1348 hodzie.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary