Paetu z Hancavickaha rajona było 74 hady.
Alaksiej Hałaskok naradziŭsia 6 červienia 1949 hodzie ŭ v.Tałałajki Zelvienskaha rajona. Skončyŭ Ryžskuju vyšejšuju kamandna-inžyniernuju vučelniu. Słužyŭ u roznych i časta vielmi addalenych ad cyvilizacyi miescach byłoha SSSR u rakietnych vojskach stratehičnaha pryznačeńnia.
U apošnija hady słužby kamandavaŭ rakietnym dyvizijonam, udzielničaŭ u bujnych vučeńniach, za što nieadnarazova atrymlivaŭ padziaki ad hałoŭnakamandujučaha rakietnymi vojskami Ministerstva abarony SSSR. Uznaharodžany ordenam «Za słužbu va Uzbrojenych siłach SSSR» III stupieni, šmatlikimi miedalami.
Paśla słužby niekatory čas vykładaŭ vajennyja dyscypliny ŭ Ryžskaj vajskovaj vučelni.
Zvolniŭsia sa słužby ŭ zapas u zvańni padpałkoŭnika i razam ź siamjoj pierajechaŭ na stałaje miesca žycharstva na Hancaŭščynu — na radzimu svajoj žonki Łarysy Ivanaŭny.
U hady słužby Alaksiej Hałaskok zajmaŭsia svaim lubimym zaniatkam — pisaŭ vieršy, jakija drukavalisia ŭ armiejskich hazietach i mieli vialiki pośpiech u sasłužyŭcaŭ. Pisaŭ pa-rusku, a dumałasia pa-biełarusku, na movie, jakuju palubiŭ z malenstva.
Paśla demabilizacyi, žyvučy na Hancaŭščynie, pačaŭ pisać tolki na rodnaj movie. Jaho vieršy źmiaščalisia nie tolki ŭ rajonnaj haziecie, ale i ŭ respublikanskaj pieryjodycy. Niekatoryja ź ich pakładzieny na muzyku samadziejnym hancavickim kampazitaram Valeryjem Marcinkievičam i z pośpiecham vykonvajucca na scenie.
Alaksiej Hałaskok byŭ členam Biełaruskaha sajuza piśmieńnikaŭ. Jon aŭtar zbornikaŭ paezii «He škadujuć mianie maje vieršy», «Ja ščaślivy…», «Biełaruś maja rodnaja, miłaja…», «Sud nad sarokaj» i inšych…
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii31
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4343
Kamientary