Mahiloŭcu Alaksandru Kulikovu, jaki pavieryŭ siłavikam i viarnuŭsia z Polščy, dadali jašče 1,5 hoda źniavoleńnia
U Mahiloŭskim abłasnym sudzie z 6 śniežnia prachodziŭ sud nad mahiloŭcam Alaksandram Kulikovym, jakoha zatrymali ŭ červieni pa viartańni z Polščy.
Mužčyna źjechaŭ za miažu praz palityčny pieraśled, ale paźniej siłaviki paabiacali jamu, što kali toj vierniecca, to jaho nie pazbaviać voli. Ale ŭ vyniku palitviaźnia zatrymali na miažy i źmiaścili ŭ SIZA.
Praz dva miesiacy jaho asudzili za kamientary ŭ «ekstremisckich» čatach. A niadaŭna Alaksandra pačali sudzić za sprobu dałučycca da pałka Kalinoŭskaha va Ukrainie, a taksama za «prachodžańnie navučańnia dla ŭdziełu ŭ ekstremisckaj dziejnaści».
Sudździa Dzianis Kičyhin 20 śniežnia pryznačyŭ palitviaźniu 4 hady pazbaŭleńnia voli. Pakolki raniej mužčynu ŭžo asudzili na 3 hady kałonii, šlacham častkovaha składańnia pakarańniaŭ kančatkova Alaksandru pryznačyli 4,5 hoda pazbaŭleńnia voli ŭ kałonii ahulnaha režymu, piša «Viasna».
Kiraŭnik Lidy zaklikaŭ siłavikoŭ nie spyniać palityčnych represij28
Kamientary