Ministr unutranych spraŭ Litvy ličyć, što možna damovicca z pamiežnikami pra viartańnie litoŭskich fur ź Biełarusi
Ministr unutranych spraŭ Litvy Uładzisłaŭ Kandratovič zajaviŭ, što pytańnie viartańnia litoŭskich hruzavikoŭ, jakija zatrymalisia la miažy ź Biełaruśsiu, moža być vyrašana na ŭzroŭni pamiežnych słužbaŭ biez zvarotu da dypłamatyčnych ci ŭradavych struktur, piša Delfi.
«Hałoŭnaje rašeńnie — vyvieści našy hruzaviki z toj situacyi, u jakoj jany apynulisia. Heta možna zrabić, pačaŭšy evakuacyju hetych hruzavikoŭ adtul, dzie jany znachodziacca. Ja kažu mienavita pra miažu», — zajaviŭ jon.
«Ja dumaju, my vyrašym hetaje pytańnie na ŭzroŭni pamiežnikaŭ», — skazaŭ jon.
Pavodle słoŭ litoŭskaha ministra, kala 400 hruzavikoŭ znachodziacca la punkta propusku «Salečniki» («Bieniakoni» ź biełaruskaha boku), i ich viartańnie ŭ Litvu zojmie prykładna niekalki dzion aktyŭnaj pracy.
Ministr udakładniŭ, što situacyja z hruzavikami, jakija zastalisia na terytoryi Biełarusi, pakul zastajecca adkrytaj.
U Biełarusi pamiežnaja słužba ŭ takich pytańniach dziejničaje tolki pa ŭzhadnieńni z vyšejšymi ŭładami.
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami10
Kamientary