Sport22

Z rasijskim chakiejnym kłubam padpisaŭ kantrakt 50-hadovy hulec. Niekali jon pryvoziŭ u Biełaruś Kubak Stenli

Z rasijskim kłubam Kantynientalnaj chakiejnaj lihi «Tarpieda» ź Nižniaha Noŭharada padpisaŭ hulniavy kantrakt bramnik Mikałaj Chabibulin. Admietnaść hetaha — u tym, što niekali viadomamu hulcu, alimpijskamu čempijonu až 1992 hoda spoŭniłasia ŭžo 50 hadoŭ. U sučasnym chakiei niaredkija vypadki, kali spartoŭcy hulajuć paśla 40, ale hulać na vysokim uzroŭni ŭ 50 — vialikaja redkaść. 

Mikałaj Chabibulin z Kubkam Stenli ŭ Minsku

Zrešty, Chabibulin nie hulaŭ na prafiesijnym uzroŭni ŭ chakiej uvieś hety čas, bo nibyta pakinuŭ sport amal 10 hadoŭ tamu, u 2014-m.

Alimpijskim čempijonam Chabibulin staŭ u 1992 hodzie ŭ składzie Abjadnanaj kamandy, stvoranaj zamiest zbornaj SSSR, jaki raspaŭsia za paru miesiacaŭ da startu Zimovych Alimpijskich hulniaŭ u francuzskim Albiervili. Vyjšła tak, što jon byŭ tady ŭ składzie zbornaj tolki trecim bramnikam i na lod ani razu nie vyjšaŭ. Tym nie mienš, załaty miedal jamu pavodle rehłamientu turniru naležaŭ, ale jaho zabraŭ sabie tahačasny hałoŭny trenier zbornaj Viktar Cichanaŭ. Zabraŭ, dy tak i nie addaŭ.

Chabibulin z-za hetaha pakryŭdziŭsia i ŭsie 1990-ja hady admaŭlaŭsia hulać za rasijskuju zbornuju, choć pavodle ŭzroŭniu dla jaje padychodziŭ.

A pakolki žonka va ŭradženca rasijskaha Jekaciarynburha była biełaruskaj, to adzin čas navat źjaŭlalisia idei, kab pryciahnuć jaho da vystupleńniaŭ za zbornuju Biełarusi. Jakija, praŭda, ničym nie skončylisia.

Paśla bramnik usio ž pamiryŭsia z kiraŭnictvam rasijskaj zbornaj dy navat zavajavaŭ u jaje składzie bronzavy miedal na Zimovych Alimpijskich hulniach 2002 hoda ŭ amierykanskim Sołt-Łejk-Sici (dzie biełaruskaja zbornaja, darečy, siensacyjna pierajhrała ŭ čverćfinale šviedaŭ i zaniała ahulnaje hanarovaje 4-je miesca).

Mikałaj Chabibulin i jahonaja žonka-biełaruska z Kubkam Stenli ŭ Minsku

Suviaź ža praz žonku Chabibulina ź Biełaruśsiu paśla ŭrešcie mieła vynikam toje, što ŭ 2004 hodzie, zavajavaŭšy ŭ składzie kłuba «Tampa-Bej Łajntynh» Kubak Stenli, jon, majučy pa ŭstanoŭlenaj u NCHŁ tradycyi prava niekudy jaho zvazić, pavioz trafiej nie na ŭłasnuju małuju radzimu, a na žončynu. Hetaha nadta zachacieŭ viadomy amatar chakieja Łukašenka, a damaŭlaŭsia pra toje z Chabibulinym tahačasny ministr unutranych spraŭ i pa sumiaščalnictvie kiraŭnik Fiederacyi chakieja Biełarusi Uładzimir Navumaŭ.

Kamientary2

  • Šrek
    28.12.2023
    Łukašenka chacieŭ kakojta kubak Stenli ? Iźmiena rodinie.
  • Čudoviščnaja ošybka
    28.12.2023
    Imiełoś vvidu Kubok Stalina
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Usie naviny →
Usie naviny

Maradona padčas svajho vizitu ŭ Biełaruś nie zachacieŭ sustrakacca z Rumasam1

Łukašenka prakamientavaŭ źbićcio sabaki ŭ Hrodnie i raskazaŭ pra svajo trapiatkoje staŭleńnie da žyvioł10

Drony USU ŭdaryli pa dvuch rasijskich abjektach VPK

Uładalnica biełaruskaha brendu žanočaha adzieńnia Moshe ździviłasia šalonym cenam kankurentaŭ11

Izrail nanosić novy ŭdar pa Iranie3

«Prapanavaŭ hrošy». Biełaruska raspaviała, jak KDB sprabavaŭ jaje vierbavać1

Iranskija rakiety zabili 5 čałaviek u Izraili, bolš za 80 paranienyja. Celi byli vypadkovyja2

«U naš čas u Chrysta była b žoŭtaja birka». Były palitviazień Alaksandr Tarasienka raspavioŭ pra svoj dośvied za kratami2

«Uratavali zatory». Studentka spaźniłasia na fatalny rejs Air India usiaho na 10 chvilin, i jaje nie puścili na bort3

bolš čytanych navin
bolš łajkanych navin

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Hałoŭnaje
Usie naviny →

Zaŭvaha:

 

 

 

 

Zakryć Paviedamić