Valfovič zaśviaciŭsia na bali Łukašenki z darahim hadzińnikam
Łukašenkaŭski vojenačalnik abraŭ aksiesuar koštam bolšym za 13 tysiač dalaraŭ.
Dziaržsakratar Rady biaśpieki Alaksandr Valfovič staranna padyšoŭ da vybaru kaściuma dla tradycyjnaha navahodniaha balu Łukašenki. Aŭtfit vajskoŭca, nakolki možna razhledzieć, najchutčej upryhožvaŭ šviejcarski hadzińnik kłasa «luks» Breitling Transocean Chronograph.
Aksiesuar vyrableny z 18-karatnaha ružovaha zołata i dapoŭnieny skuranym ramieńčykam. Aktualnaja cana takoj madeli — 13,5 tysiačy dalaraŭ.
Darečy, heta nie adziny darahi hadzińnik u kalekcyi vysokapastaŭlenaha siłavika. U pačatku śniežnia čynoŭnik źjaviŭsia na Mižnarodnaj navukova-praktyčnaj kanfierencyi, pryśviečanaj 75-hodździu z dnia pryniaćcia Kanviencyi AAN «Ab papiaredžańni hienacydu i pakarańni za jaho», u hadzińniku z ustaŭkami z žoŭtaha zołata, padobnaha da Rolex Datejust.
Kupić taki možna za 8 tysiač dalaraŭ.
Jak i Dźmitryj Baskaŭ, Valfovič idzie nasupierak biełaruskamu čynoŭnickamu trendu nie źjaŭlacca pierad Łukašenkam z darahimi rečami.
Alaksandr Valfovič naradziŭsia ŭ Kazani ŭ siamji vajskoŭca. U 1988-m skončyŭ Maskoŭskuju vyšejšuju kamandnuju vučelniu. U hetym rodzie stvaryłasia cełaja vajskovaja dynastyja: baćka Alaksandra Valfoviča skončyŭ słužbu ŭ zvańni padpałkoŭnika, a syn słužyć u biełaruskim vojsku. 20 studzienia 2020 hoda ŭkazam Łukašenki Valfovič byŭ pryznačany pieršym namieśnikam ministra abarony, a zatym — dziaržsakratarom Rady biaśpieki Biełarusi.
Ciapier čytajuć
«Ab biełaruskich aŭtaraŭ vycierli nohi». Kurejčyk i Marynič sudziacca za sieryjał «Akreścina»7
«Ab biełaruskich aŭtaraŭ vycierli nohi». Kurejčyk i Marynič sudziacca za sieryjał «Akreścina»
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary