Nabiraje abaroty pietycyja za toje, kab na płatformie Duolingo stvaryć kurs vyvučeńnia biełaruskaj movy
Aŭtar zaklikaje raspracoŭščykaŭ dadatku Duolingo dapamahčy jak biełarusam, jakija zrazumieli važnaść svajoj movy dla nacyjanalnaj identyčnaści, tak i ŭsim achvotnym vyvučyć biełaruskuju movu.
U internecie zjaviłasia pietycyja za stvareńnie kursu pa vyvučeńni biełaruskaj movy na Duolingo — častkova biaspłatnaj płatformie dla vyvučeńnia movaŭ, jakaja ŭ vieraśni hetaha hoda była samym papularnym dadatkam takoha kštałtu ŭ śviecie. Zhodna sa statystykaj, jaho zahruzili zvyš 16,3 miljona razoŭ.
Niadaŭna na Duolingo zjaviłasia ŭkrainskaja mova. Aŭtar pietycyi za zjaŭleńnie kursu pa vyvučeńni biełaruskaj movy źviartaje ŭvahu na toje, što naša mova «ŭsiaho niekalki stahodździaŭ nazad była adnoj z asnoŭnych jeŭrapiejskich movaŭ», a ciapier znachodzicca na niebiaśpiečnaj stadyi, bo jaje nośbitaŭ nie tak šmat.
Aŭtar adznačaje, što Duolingo jak adzin z samych papularnych dadatkaŭ dla vyvučeńnia movaŭ moža ŭnieści značny ŭkład nie tolki ŭ adnu krainu, ale i suśvietnuju spadčynu.
Pa słovach aŭtara, paśla poŭnamaštabnaha ŭvarvańnia Rasii va Ukrainu šmat chto ź biełarusaŭ uśviadomiŭ važnaść nacyjanalnaj identyčnaści i movy jak jaje častki. Ale va ŭmovach dyktatury karystacca biełaruskaj movaj nie tolki składana, ale i niebiaśpiečna, bo jana demanstruje niazhodu z palitykaj rusifikacyi.
Va ŭmovach, kali ludzi nie majuć mahčymaści vyvučyć rodnuju movu, piša aŭtar, samym biaśpiečnym i dastupnym sposabam moža stać vykarystańnie anłajn-dadatku dla vyvučeńnia movaŭ. Akramia hetaha, na dumku aŭtara, mahčymaść vyvučeńnia biełaruskaj movy dapamoža zrabić jaje bolš dastupnaj dla zamiežnikaŭ.
Pietycyja zjaviłasia 20 śniežnia. Nieabchodna, kab jaje padpisała 5 tysiač čałaviek. Zrabić heta možna tut.
Čytajcie jašče:
Sto biełarusaŭ ahučyli knihu pra dyskryminacyju rodnaj movy
Knihi pa-biełarusku čytaje abo słuchaje 14% apytanych haradžan
Ciapier čytajuć
Łukašenka patłumačyŭ, čamu jaho nie vidać pa sieradach i subotach20
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary