Ad rasijskaha bojeprypasu ŭ Varoniežskaj vobłaści paciarpieli čatyry čałavieki
Hubiernatar Varoniežskaj vobłaści Alaksandr Husieŭ paviedamiŭ, što ŭ vyniku vybuchu ad vypadkova skinutaha 2 studzienia rasijskaha bojeprypasu ŭ pasiołku Pietrapaŭłaŭka paciarpieli čatyry čałavieki.
Pavodle jaho, pa miedycynskuju dapamohu ź lohkimi paškodžańniami źviarnulisia čatyry čałavieki, u tym liku ludzi źviartajucca pa psichałahičnuju dapamohu, paviedamiŭ Husieŭ u telehram-kanale.
Jon dadaŭ, treba nanoŭ pabudavać dzieviać damoŭ, razburanych vybucham.
U Pietrapaŭłaŭcy taksama paciarpieli budynki škoły, dom kultury i pasiałkovaja administracyja. U ich častkova vybita škło, paškodžany dachi.
Husieŭ paviedamiŭ, što paciarpieli taksama piać lehkavych mašyn i traktar, ułady abiacajuć kampiensavać ich košt uładalnikam.
2 studzienia rasijskaje Ministerstva abarony paviedamiła, što «kala 09:00 msk pry vykanańni palotu samalota Pavietrana-kaśmičnych sił nad nasielenym punktam Pietrapaŭłaŭka ŭ Varoniežskaj vobłaści adbyŭsia niaštatny schod avijacyjnaha bojeprypasu».
Minabarony śćviardžała, što «paciarpiełych niama».
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary