Pomnik budzie niepadalok ad taho miesca, dzie žančyna biehała na spatkańni z budučym karalom.
U dvoryku biblijateki Urubleŭskich Litoŭskaj akademii navuk u Vilni da 2026 hoda źjavicca pomnik karalu Polščy i vialikamu kniaziu Litoŭskamu Žyhimontu Aŭhustu i jaho žoncy Barbary Radzivił, paviedamlaje Delfi.lt.
Biblijateka i Litoŭski sajuz mastakoŭ u śniežni 2023 hoda abviaścili konkurs na stvareńnie pomnika, pryjom prapanoŭ budzie doŭžycca da 9 krasavika.
«Budynak biblijateki byŭ pabudavany na miescy, dzie byli ŭładańni Radziviłaŭ u 16-17 stst. Kankretna na miescy budynka byli sažałki. My možam kazać, što z pałaca, jaki znachodziŭsia niepadalok, Barbara chadziła na spatkańni z Žyhimontam», — skazaŭ kiraŭnik biblijateki Sihitas Narbutas.
Narbutas spadziajecca, što skulptura ŭ dvoryku źjavicca ŭ 2024-2025 hadach.
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary
Treba pisać artykuły na anhielskaj movie, što naprykład rabili letuvisy ŭsio 20-je stahodździe, dzie nazyvali ŭsich Hiadiminasami i Vilniusami, tamu ciapier na zachadzie heta kansensus adnosna historyi našaha rehijonu.
Spačatku svoj punkt hledžańnia mocna prasoŭvaješ, potym spasyłajeśsia na jaho jak na aŭtarytet, kali jon pryniaty -- voś tak.