Muziej-chatu palešuka stvarajuć u zakaźniku respublikanskaha značeńnia «Vyhanaščanskaje» ŭ Ivacevickim rajonie. Aŭtentyčny budynak dla hetaha znajšli ŭ adnoj ź viosak pablizu haradskoha pasiołka Cielachany. Chatu akuratna pieravieźli i ŭstalavali na vostravie na ekałahičnaj ściežcy ŭ zakaźniku, paviedamiła BiełTA.
Chata, što budzie vykarystoŭvacca jak pamiaškańnie dla muzieja, pabudavanaja ŭ 1921 hodzie.
«Chata staražytnaja, jašče siečanaja siakieraj, a nie piłavanaja. Ciapier napaŭniajem jaje rečami, kab pakazać žyćcio palešukoŭ stohadovaj daŭniny», — raskazaŭ dyrektar zakaźnika Siarhiej Habiec.
Jon źviarnuŭ uvahu, što takoje miesca dla raźmiaščeńnia muzieja vybrali tamu, što raniej žychary Paleśsia sialilisia na vyspach.
Śpiecyjalisty sprabujuć prademanstravać pobyt palešukoŭ: jakimi ramiostvami i promysłami jany zajmalisia. U tym liku buduć vykarystoŭvacca archiŭnyja fotazdymki.
Realizacyju prajekta pačali sioleta, ciapier idzie padbor ekspanataŭ. Płanujecca, što ŭ 2024 hodzie turysty zmohuć pabačyć novy infrastrukturny abjekt.
Uvohule płošča zakaźnika «Vyhanaščanskaje» składaje 55 tysiač hiektaraŭ. Na jaho terytoryi raznastajny łandšaft: raźmieščanyja reki, aziory, šmat vierchavych, pierachodnych i nizinnych bałot. Taksama dobraŭparadkavanaja ekałahičnaja ściežka z čatyrma piešachodnymi maršrutami. Atrymać asałodu ad unikalnaj pryrody možna, skarystaŭšysia vodnymi maršrutami. Siarod nieabsiažnych vodnych abšaraŭ raźmieščana kala sotni niekranutych vyspaŭ.
Jość tut i cikavyja histaryčnyja abjekty. U pryvatnaści, pa terytoryi zakaźnika prachodzić Ahinski kanał. Padčas Pieršaj suśvietnaj vajny hetuju miascovaść pierasiakała linija frontu. A na bierazie Babrovickaha voziera archieołahi vyjavili stajanku staražytnych ludziej (kamiennaha vieku).
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja6
Kamientary