Lehienda francuzskaha kiniematohrafu ŭzłavaŭ na intervju svajho syna, u jakim jon raskazaŭ pra stan zdaroŭja baćki i zajaviŭ, što padaŭ skarhu na svaju zvodnuju siastru. Kanflikty ŭ siamji Dełonaŭ stali zvyčajnaściu.
Jak piša Le Monde, Entani Dełon, syn 88-hadovaj zorki francuzskaha kiniematohrafu Alena Dełona, daŭ intervju Paris Match, u jakim raskazaŭ, što jahony baćka «niadobra siabie adčuvaje»,«asłabieŭ», i, mahčyma, hetyja Kalady dla jaho apošnija.
Entani Dełon taksama abvinavaciŭ svaju zvodnuju siastru Anušku (Anouchka), u tym, što jana nie raskazała jamu ab pravale baćkam šerahu kahnityŭnych testaŭ u pieryjad z 2019 pa 2022 hady paśla insultu.
Pa słovach advakata, Alen Dełon paprasiŭ jaho padać skarhu na syna za paklop.
Sam akcior adznačyŭ, što nadzvyčaj šakavany tym usploskam cikavaści z boku ŚMI, jaki arhanizavaŭ jaho syn z metaj naškodzić reputacyi jahonaj dački i sapsavać adnosiny pamiž imi. Pa słovach akciora, u adroźnieńnie ad Anuški, jahony syn nikoli pa-sapraŭdnamu nie kłapaciŭsia pra jaho. I navat ciapier bačycca ź im vielmi redka.
Jak patłumačyŭ Entani Dełon u intervju CNEWS, jahonaja skarha na siastru nie maje nijakaha dačynieńnia da spadčyny. Pa jaho słovach, heta pytańnie daŭno vyrašana. Paśla śmierci baćki Anuška atrymaje 50% usioj majomaści, a Entani razam z svaim bratam Alenam-Fabjenam (Alain-Fabien) — pa 25%.
Entani taksama adznačyŭ, što jany z bratam vielmi chočuć, kab pavažałasia vola ich baćki pravieści apošnija dni ŭ svaim domie ŭ Dušy (Douchy). Siastru ž jon abvinavačvaje ŭ tym, što jana choča advieźci baćku ŭ Šviejcaryju, kab paźbiehnuć vypłaty padatkaŭ paśla jaho śmierci.
Sudovyja raźbiralnictvy stali zvyčajnaj źjavaj u siamji Dełonaŭ. Na hetym tydni stała viadoma, što sumiesnaja skarha traich dziaciej akciora suprać jaho 66-hadovaj siabroŭki Irami Ralen (Hiromi Rollin) była adchilena prakuraturaj z-za niedastatkovaści dokazaŭ. Žančynu abvinavacili ŭ maralnym cisku na aktora, chavańni ad jaho karespandencyi i žorstkim abychodžańni ź jaho sabakami. Była adchilena i asobnaja skarha Entani Dełona na Ralen.
U svaju čarhu, Irami Ralen padała skarhu na dziaciej Dełona za hvałt padčas jaje vysialeńnia z doma aktora ŭ Dušy. Ale prakuratura pa tych ža pryčynach adchiliła i jaje.
Alen Dełon — zorka francuzskaha kino. Na jaho rachunku zvyš 90 filmaŭ. Suśvietnaja viadomaść pryjšła da jaho ŭ 1960-ja hady. U 2017 hodzie akcior abviaściŭ ab zaviaršeńni karjery. U 2019 hodzie jon pieranios insult.
Čytajcie jašče:
Alen Dełon pieradumaŭ pamirać i pračytaje vieršy Tarasa Šaŭčenki
Syn Alena Dełona raspavioŭ pra stan baćki paśla insultu
Alen Dełon: Ja nienavidžu siońniašniuju epochu, mnie ad jaje młosna
-
U siecivie źjaviłasia videa z aŭtobusam MAZ, padłoha ŭ jakim varušycca, niby dyvan-samalot
-
«Abo toŭstyja pisali, abo ź dziećmi». Fanat Łukašenki Žan Sodziel nie zmoh znajści žonku i aburajecca, što «dziaŭčaty pajšli nie tyja»
-
Kryścinie Arbakajcie zabaranili ŭjezd u Łatviju praz pahrozu nacyjanalnaj biaśpiecy
Ciapier čytajuć
Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia13
Kamientary