Pravasłaŭnyja rychtujucca da Rastva, a kataliki adznačajuć Try Karali
Častka pravasłaŭnaha śvietu (Rasija, Biełaruś, Sierbija, Hruzija) rychtujecca siońnia da śviatkavańnia Rastva. Śviatočnyja słužby projduć va ŭsich chramach Biełarusi siońnia i zaŭtra.
U chryścijanskaj tradycyi ličycca, što pra čas i miesca naradžeńnia Isusa Chrysta vieščunam paviedamiła Viflejemskaja zorka, jakaja ŭzyšła na niebaschile z nastupleńniem ciemry.
A katalicki śviet adznačaje siońnia, 6 studzienia, uračystaść Abjaŭleńnia, abo Try Karali — uspamin ab padziei, kali, idučy za zorkaj, karali (mudracy) prybyli ŭ Betlejem (Viflejem), šukajučy novanarodžanaha Isusa.
Mudracy achviaravali novanarodžanamu Dziciaci svaje dary: zołata (simvał karaleŭskaj hodnaści), ładan (simvał viery ŭ Isusa jak praŭdzivaha Boha) i miru (simvał spaŭnieńnia praroctvaŭ ab prychodzie Miesii).
U hety dzień błasłaŭlajuć krejdu, ładan, zołata i vadu. Na dźviarach aśviečanaj u kaściole krejdaj pišuć K+M+B+2023, dzie litary — imiony mudracoŭ (karaloŭ): Kaspar, Mielchijor i Baltazar.
Try Karali zaviaršajuć pieryjad Kalad.
Ciapier čytajuć
«Ja hatovaja stać ministram ekanomiki Biełarusi». Novy tvar u Kabiniecie Alisa Ryžyčenka — pra karupcyju na karyść Łukašenak, Zareckuju i reformy26
Kamientary